炒雪糕@Spade by Lassana

31 JANUARY 2016(SUN)
落雨天真係咩地方都去唔到，但又唔想困係屋企一整日，所以就近近地去行大本型。估唔到就係咁益左小小豬，因為有靚靚炒雪糕呀~

行商場行到攰攰地，所以想搵個地方食個TEA，順便坐下休息一陣。行左一陣就決定嚟依間餐廳依個炒雪糕。天寒地凍去食雪糕，簡直係最高享受，哈哈哈~

有得食雪糕小小豬緊係興奮，佢仲急不及待要揀款式添~

嘩...炒雪糕系列都有好幾款，真係花多眼亂，仲可以另加配料，唔怪得小小豬要揀咁耐啦~

最後我地叫左兩份炒雪糕，雪糕係即叫即炒呀~

等左一陣小小豬所ORDE嘅雜莓星球已經整好，雜莓雪糕再加上棉花糖、迷你士多啤梨撻同埋三角朱古力，單睇賣相已經好吸引呀~
咁靚嘅雪糕小小豬又點忍得口，佢二話不說就密密食啦~

食完個雪糕仲唔止，就連個窩夫都食得津津有味。不過個窩夫又整得幾脆口，唔怪得小小豬咁鍾意啦~

時間剛剛好，我地三口子KO左個雜莓星球之後，另一個棉花堡壘又嚟啦！

原本係由棉花糖再配新鮮香蕉同埋香蕉雪糕一齊嘅，由於當日剛剛冇香蕉雪糕，所以就改左為椰子雪糕。不過咁都好，因為啱晒我依個椰子控呀~

見小小豬又嚟不停食，就知份炒雪糕有幾好味啦~
 
































不過，一次過又真係唔可以食太多雪糕，所以小小豬食左幾啖之後，都係回歸返我肚皮啦....哈哈哈。最吸引我嘅就當然係椰子雪糕，真係好香椰子味，啱晒我呀！

臨走時見到張POSTER，原來係可以平$10，真係蝕左添，唔緊要留返下次啦~

$40一份又真係唔算貴，如果再加以有$10現金卷咁咪仲抵，搵機會要再帶小小豬嚟開心一下先得。

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！