泰拳館？拳王泰國餐廳

25 JANUARY 2016(MON)
卡通人物為主題嘅餐廳我就去過幾間，朋友仔係網上發現係銅鑼灣開左一間以泰拳為主題嘅泰國餐廳，相約齊齊去食餐飽又吹吹水。哈哈...有得去玩我當然樂意奉陪，所以今日又同大老細請假去輕鬆一晚啦~


餐廳係以泰拳為主題，所以就擺設左好多唔同嘅泰拳有關嘅佈置，好似有金腰帶、拳套..等等，唔知依啲係咪店主戰利品嚟呢~


就連我地嘅座位都好似一個沙包，既特別又舒服呀~

餐廳中央仲有電視播放拳賽添~

環境就真係好吸引，所以對食方面唔多唔少都好有啲期望呀~

先嚟飲杯冰凍嘅芒果沙冰先~

頭盤就係金柚蝦沙津~

蝦身非常彈，再配上甜得嚟又帶微微辣嘅柚肉 ，感覺都真係幾清新唔錯哦！
燒菠蘿及燒露筍~

平時去泰國餐廳食串燒時，我都只係識得叫豬肉串，但原來串燒都係有好多樣化。今次食左依個燒菠蘿及燒露筍令我眼前一亮，依兩個都令我食唔停口，尤其個燒菠蘿真係可以話係我至愛之一，超甜又多汁，都依家打文中都仍然好回味，攪到我都好想試下係屋企自己整嚟食添。
原隻燒魷魚~

我依個魷魚怪當然係鐘意食，非常煙煙韌韌，就算唔點醬都勁香魷魚味，我一個人都食左大半隻，食咁多真係有啲唔好意思添...哈哈哈！
泰式豬頸肉~

豬肉質好嫩，食嘅時候點少少酸辣嘅醬汁一齊食，都唔錯呀！
海南雞~


以蒸籠形式上菜都已經覺得好特別，但原來之後仲驚喜，因為隨蒸籠附上一壺雞湯，當我地食嘅時候先淋上，咁就可以令啲雞食嘅時候暖暖的，加埋啲雞湯就可以令雞味更為濃郁，而且雞又非常嫩滑，依個又係另一我至愛菜式嚟呀~

整體上俾我感覺都係好好，食物、環境都唔錯，食得舒服又滿足，所以有機會一定要帶小小豬嚟食先得！ 

**我地嘅FACEBOOK FAGE，唔知大家LIKE左未呢？**小小豬的成長日誌
大家一齊嚟交流下煮飯仔及去玩嘅親子樂啦！