澳門親子之旅：大三巴+ 豐富晚餐 + 新濠影匯

4 JANUARY 2016(MON)

我地係科學館開心玩樂之後(按此重溫)，我地就出發去大三巴匯合小小豬舅父仔去食晚餐。

去到大三巴第一個目的地就當然係我恨嚟好耐嘅HELLO KITTY專門店啦~

其實都開左好一段時間，不過公仔控的我當然一定要嚟朝聖，同澳門版KITTY影個相啦~

  

其實....我見到啲咁靚KITTY嘅曲奇、馬卡龍同得意食物，真係勁想買嚟食，不過老公話晚餐將至，唔建議我食咁多嘢，所以都係我嗰句...影左當食左啦...哈哈哈~

參觀完HELLO KITTY專門店之後，就去小小豬好回味嘅手信街行啦~

小小豬緊係鐘意行啦，因為沿途都有好多店鋪有豬肉乾試食，依隻為食豬又點會唔LIKE呀(當然...我地都有幫襯呀，買少少手信啦)~

食完當然要去牌坊影相，次次都係日頭嚟，原來牌坊夜景都好靚呀~

  

我地JOIN埋左小小豬舅父仔之後，當然就係去醫肚先，舅父仔帶左我地去打邊爐呀~

哈哈哈...都幾多嘢食，選擇恐懼症又即刻發作啦~

最後舅父仔就幫我地揀左雞煲翅湯底套餐，食物新鮮唔在講，仲真係有大大條翅，真係感覺好豪呀~

YEAH....開餐啦....今餐真係勁豐富，好滿足呀~

食飽飽我地就返酒店，我地今次入住嘅就係澳門最新嘅新濠影匯呀！

酒店房間內都幾靚，而且都好乾淨，都幾舒服呀~

另一個關心地點，當然係洗手間，都幾唔錯呀~

嘩...酒店望出去見到個8字摩天輪，好靚呀~

玩左成日，小小豬一見到張床就先嚟休息一陣先~

不過....古古惑惑嘅小小豬又點會就咁乖乖去瞓呀，對於整個行程最令小小豬期待及興奮嘅活動終於開始啦，咪就係跳床啦~

來來回回不知跳左幾多十次，仲要越跳越起勁，真係俾佢激C呀！ 

終於依隻豬仔玩到攰，肯去洗白白瞓啦~

依隻豬仔有幾愛PEPPA PIG？嚟澳門都要帶埋嚟陪瞓呀~

今日攰得嚟又開心，唔止小小豬，其實我都冇晒電，所以要抖足精神去迎接我地第二天嘅澳門之旅啦！ 

**我地嘅FACEBOOK FAGE，唔知大家LIKE左未呢？**
小小豬的成長日誌
大家一齊嚟交流下煮飯仔及去玩嘅親子樂啦！