情侶檔比卡超同你齊賀年@MIKIKI

19 JANUARY 2016(TUE)
今日帶左小小豬返學之後，我就快速咁飛去MIKIKI，因為有三位朋友仔等緊我呀~


其實早係聖誕期間，我都曾經考慮過搵日帶小小豬嚟影比卡超(其實係我鐘意肥嘟嘟嘅比卡超)，不過因為我地聖誕假期都安左好多唔同活動，最後都係冇嚟到。
不過....塞翁失馬焉知非福，我今日嚟除左比卡超之外，佢仲帶埋佢女朋友 - 比卡Girl同埋火焰猴一齊嚟，愛集郵的我仲唔係一次過滿足晒三個願望！
雖然MIKIKI個聖誕同新年都係以比卡超做主角，不過為左配合新年依個「Pika新年祭」，都轉左啲唔同佈置添~

超攪笑嘅三人行，係咪準備迫爆個門呢~

不如火焰猴陪我去賣下鯛魚燒啦~

新年祭必備嘅許願塔，齊齊許個願先.....我個願望當然係小小豬聽教聽話，唔洗我勞氣啦~

嘩....上次聖誕佈置最令我心心眼嘅比卡超戰車今次都有得留低，真係好可愛呀~

除左佈置之外，場內都有間 Pop-Up Store，都好多比卡超精品呀~

仲有少少時間，當然要同佢地影多啲相，因為我真係好鍾意集郵呀~

佢地真係好鬼SWEET，成日都咀咀呀~

開開心心又玩左一個下午，原來仲打算去食埋比卡超限定甜品，不過由於我要趕返去接小小豬放學，所以食唔到。
唔緊要啦，嚟緊新年假期如果有時間嚟同小小豬行一轉，順便食個比卡超TEA啦！

**我地嘅FACEBOOK FAGE，唔知大家LIKE左未呢？**小小豬的成長日誌
大家一齊嚟交流下煮飯仔及去玩嘅親子樂啦！