澳門親子之旅：新濠影匯 + LUNCH BUFFET

5 JANUARY 2016(TUE)

瞓醒之後，我地就當然唔好浪費時間，落酒店周圍行下啦~

 嘩...八字摩天輪呀，我地原本都好想豪豪地去坐一轉，不過.....天氣真係唔係咁好，既有毛毛雨之餘，整個環境都好濛，所以最後老公都話，既然上到去都係睇唔到風景，都冇左個意義係度，不如.....我地將啲摩天輪費用留嚟食餐好仲好，所以我地都又嚟影左當搭左啦！

其實都啱，上到去只係睇啲霧又真係浪費左啲啲，都係食啱我地兩母子多啲。老公話有機會一定會再帶我地嚟搭摩天輪，希望唔洗等太耐啦...哈哈哈！ 

冇得搭摩天輪小小豬一啲都冇失望，因為係入口有一部飛機擺設，係可以任上去影相/玩，有得扮渣車就可以令小小豬忘記摩天輪，專心渣飛機啦~

玩左一陣之後，又有另一樣嘢吸引小小豬，就係依個新濠影匯LOGO啦~

真係做得好精細，好似呀，砌嗰一個團隊真係好有心機呀~

之後我地就去行下個酒店大街，不過全部都係名店，好似唔多啱我哦~

行行下終於有嘢啱小小豬，仲睇到唔願走，就係依個LCD嘅表演屏幕。除左嗰一個屏幕之外，仲加埋周圍嘅電視見埋燈光，又真係幾吸引呀~

當我地賭場入口時，小小豬話要入去玩，好明顯佢係睇見"娛樂場"三個字就以為係啲PLAYROOM啦，最後要DADDY不停講解，佢先明白係要大人先可以入去，佢嗰一份堅持都唔知好嬲定好笑~

之後我地又行過BATMAN館，見一場嚟到都想入去玩一轉，點知....小小豬唔夠高，所以....到此一遊啦~

我地唔覺唔覺都行左一個鐘，終於可以做我地兩母子最鐘意嘅事，就係去食LUNCH BUFFET啦~

其實原本我地都冇計劃嚟食，我地仲PLAN左去大環山玩滑草，不過因為天氣唔好，所以我地都唔敢博，留係室內地方就最安全，老公見又唔算好貴，就提意帶我地嚟食BUFFET開心一下啦~

嘩...入到去個環境都好正哦~

仲可以望到個娛樂場添~

唔好以為只係LUNCH食嘅嘢會好少，佢地嘅食物都有好多唔同種類，仲有果汁任飲，而且食物質素都唔錯，既乾淨又新鮮，而且都添得好快，所以都抵食呀！

依度只係其中一部分，因為我掛住食，有啲唔記得影相呀~

小小豬都食左唔少嘢呀~

依餐真係好滿足，我地三口子真係好耐冇試過食BUFFET食到肚仔脹卜卜咁離開。不過亦都因為小小豬食得太興奮，佢一出門口就已經問幾時再同佢去食BUFFET啦~

食飽飽我地就去小小豬最愛嘅地方，咪就係突如期來嘅華納滿Fun童樂園 - Studio City！

**我地嘅FACEBOOK FAGE，唔知大家LIKE左未呢？**小小豬的成長日誌
大家一齊嚟交流下煮飯仔及去玩嘅親子樂啦