蠔油冬菇炆鵝掌亦

1 JANUARY 2016(FRI)
元旦日，又係我扮偽大廚時間，因為約晒所有家庭成員返爸爸屋企食晚餐嚟個小慶祝。
今次應要求煮左一個充滿回憶嘅餸，幸不辱命...我都算成功煮左依個蠔油冬菇炆掌亦~



依個餸可以話係我地家中至愛排行榜頭幾位，我地都真係可以話由細食到大，嗰一種味道真係好食到難以形容(當中當然亦包含左一種愛嘅味道啦)。
不過........嗰一種味道真係冇機會再食到，所以就只可以帶住掛念及回憶。 坦白講，初時都真係有點怯，因為我知道無論我點煮，都一定冇嗰一種味道。但我知道遠方的她會睇住我，成功的話就當係一份致敬，所以豁出去啦，我要努力完成佢呀！
材料就當然係有冬菇同鵝掌亦啦~

冬菇就因應大家喜愛程度預份量，多少都可以。然後浸軟去蒂備用(哈哈哈....掛住整鵝掌亦唔記得影相。
鵝掌亦就洗乾淨，鵝亦就切成兩段，鵝掌就要切去腳甲~

滾水後將鵝掌先行汆水10分鐘~

之後再加鵝亦一齊汆水多15分鐘~

汆水完畢之後，記得要分返開佢地呀~

先燒熱油爆香薑片~

然後加入鵝掌及冬菇再炒一陣~

分別加入生抽(約兩湯匙)~

加入蠔油(約四湯匙)~

最後加水，水唔洗加太多，大約蓋過啲食物就可以啦~

用中火炆大約15分鐘左右，再加埋鵝亦一齊繼續炆~

有需要時可以加少少水，之後就可以加一粒冰糖，冰糖大少就視乎你的食物又幾多~

係炆嘅時候要間唔中反下啲鵝掌亦，等唔好燶底之餘，仲可以令兩邊色先會均勻啲呀！依個時候又可以試下味，可以因應個人口味添加冰糖或蠔油。
慢慢炆，炆到汁杰身就可以啦~

排靚靚就可以放上碟啦~

第一次煮的我都真係覺得幾有成功感，因為各位家庭成員都話好食，仲大讚啲冬菇勁入味，話咁快就清晒成碟啦！
唔怕醜地講，我自己都覺得係好食，但始終都係仲差嗰一點點，相信我都只能對依一點點當作懷念。不過....得到眷顧下，我都總算冇掉瞼呀！

**我地嘅FACEBOOK FAGE，唔知大家LIKE左未呢？**小小豬的成長日誌
大家一齊嚟交流下煮飯仔及去玩嘅親子樂啦！