POCOYO反斗主題樂園@皇室堡

2 APRIL 2015(THU)

今日要出銅鑼灣拎獎品，兩母子先去撐枱腳醫肚先。行入皇室堡見到好可愛嘅佈置，影相控的我當然同小小豬影返轉啦~

今日小小豬影相極度合作，每一張相都笑得好靚(可以話係近期影相最靚嘅一次)，可能係以遊樂場為主題嘅佈置，小小豬影相時都份外投入呀~

哈哈哈...依張相小小豬影得好有自信，就連睇相時大肥豬都問點解小小豬咁靚仔呀~

全個佈置場內，小小豬至愛就係依個拋彩虹~

個傻豬仔見到旁邊有位姐姐拎左個硬幣嚟玩拋時，睇左一陣就問我可唔可以都玩拋彩虹。就係咁個傻豬仔就係度拋..拋..拋...拋左十五分鐘呀(好彩當時人流唔多，個傻仔先可以玩咁耐呀)~

小小豬走嘅時候都問我幾時再嚟拋彩虹，可想而知佢係幾鐘意依個地方。小朋友世界就係咁簡簡單單，只係一個普通玩意都可以好滿足咁玩一陣。