Kinseymama's LIFE: 茄汁煎蝦碌@萬歲芥花籽油

2015年4月18日星期六

9 APRIL 2015(THU)

多謝公關姐姐為我送上萬歲芥花籽油，所以今次我就用芥花籽油煮左茄汁煎蝦碌同屋企人分享啦~

其實我想整茄汁煎蝦碌好耐，不過大肥豬又唔太鐘意食，咁兩個人又食唔得晒一盒蝦，所以就趁返小豬爸屋企食飯時，煮俾大家食啦~

我曾經係超級市場見都過萬歲產品，不過由於習慣上用開某牌子的花生油，所以就冇考慮更換，今次係一個好機會等我試用一下啦就！

成日都聽話用芥花籽油係比較健康，既然係試用，所以我選擇左萬歲芥花籽油啦~

言歸正傳，開始煮餸啦！

首先將蝦頭尖削部份及腳仔剪去，之後沿蝦背由蝦頭底至尾劏開，除去腸臟後略洗~

加入1茶匙紹酒及少少胡椒粉醃20分鐘~

先用廚用紙抹乾水份~

將鑊燒紅，然後加入萬歲芥花籽油~

以半煎炸形式將蝦煎至全熟備用~

其後將鑊洗淨鑊，再加入萬歲芥花籽油燒熱，加入薑片及蔥頭爆香~

將蝦回鑊略兜~

最後加入茄汁及糖作調味，然段兜至醬汁變糊及稍微乾身~

話咁快就食得啦~

其實個茄汁煎蝦碌味道真係唔錯，係蝦身劏開少少，咁可以等個味入啲，咁食起上嚟就唔會啖啖蝦肉都有茄汁味，即刻香口好多呀！

不過有少少美中不足，就係今次揀嗰盒急凍啲肉唔多實，有少少淋淋地，所以唔多唔少影響左個口感呀！

試用油方面又點呢？坦白講，用左幾次又點可以知道啲油好唔好呀。不過今次用萬歲芥花籽油嚟半煎炸蝦，明顯煎時所產生嘅煙係少左好多，同埋都冇左嗰一份油煙味呀！

2015年4月18日星期六