輕輕鬆鬆迪迪尼

31 MARCH 2015(TUE)

放假期間我地嘅指定節目，當然就係三口子入迪迪尼玩一轉啦~

哈哈哈...回想起對上一次入迪迪尼，嗰日真係多人都有啲驚嚇，我地都唔係玩得好多遊戲。不過今日真係有好大唔同，雖然今日銀咭人仕都可以入場，但整體上人流都唔算多，所以輕輕鬆鬆周圍玩啦！

入迪迪尼玩，洗唔洗咁CHOK呀...哈哈哈~

其實我今日入園最想就係搵夏日版DUFFY & SHELLIEMAY集郵，不過時間就唔啱，加上佢地兩父子又掛住入去玩，所以又冇緣了。集郵唔成功，同依個靚靚夏日佈置影打當先啦~

之前嚟迪迪尼小小豬次次都係玩同一樣遊戲，今次依隻豬仔終於肯改變行程，向探險世界出發！

當然第一站就係去搭船仔遊森林啦！

依個爸爸有幾愛隻豬仔，睇佢排排下隊都要錫個仔就知啦~

排左一陣就可以上船啦~

第一次搭船仔，小小豬好專心咁四周望呀~

到左個火山位，小小豬就開始驚，不過佢就又要驚又要睇...哈哈哈~

小小豬真係超級鐘意食個森林探險之旅，佢仲要求玩多幾次添。好在今日人流唔多，我地每次都用唔洗十五分鐘就可以玩到，所以就陪小小豬連玩三次啦！

玩完時間都差唔多，所以我地就去搵位睇巡遊兼坐底休息一陣~

都唔知我地叫好彩定唔好彩，我地係陽光極度猛烈嘅情況下，欣賞雨天巡遊~

其實一聽到工作人員講都真係超級掃興呀，因為小小豬冇得出去跳舞嘛。因為之前曾經落過毛毛雨，所以就改做雨天巡遊。雖然有少少失望，不過依個安排都係為左啲演員安全，反正我都未認真睇過雨天巡遊，就趁依個機會睇啦！

繼續探險之旅，我地搭木杖去搵泰山~

一上到泰山屋就古靈精怪周圍行，其實我只初初開幕時去過泰山屋之後，一直都冇再嚟過。不過相信之後亦都大把機會嚟，因為小小豬不知幾鐘意依度呀~

終於嚟到我嘅集郵時間，今次小小豬就幫我揀左佢地~

玩左一陣新遊戲，當然要玩返小小豬嘅至愛。今次馳車天地真係超正，排左半個鐘唔洗就玩得啦~

仲有飛碟~

同埋轉轉杯~

我地今次仲去左太空交通控制中心搵史迪仔傾計呀~

仲唔到第一次睇嘅小小豬已經識得自己去前搵個靚位坐，我見佢地好投入，仲回答史迪仔問題呀~

見小小豬咁投入，我地又睇左兩次，俾小小豬過足引啦！

今日試玩左好多新嘢，小小豬對迪迪尼又更加熱愛，回程途中仲問我幾時再入迪迪尼呀！

不過相信要等下一個銀咭日先可以再入嚟玩啦！