光波香草焗羊架

2 APRIL 2015(THU)

今日小豬爸突然提意食羊架，所以就試下整俾大家食啦！

好在第一次煮都叫成功，大家都覺得唔錯呀~

其實羊架我都唔識買又唔識揀，所以都係最方便嘅方法，就係去吉吉島買齊所有材料返去開工啦~

吉吉島都有好幾款羊架，都真係唔知買邊款好，最好凍肉部姐姐介紹，就買左一款急凍潲架啦！一大舊䘠架都只係二百蚊左右，仲要肉地都唔錯，所以都抵抵地啦~

首先將羊架洗淨後抹乾水份，用少少香草、少少黑胡椒同半個蒜茸拌後醃約十分鐘~

之後就可以放入光波爐焗啦~

以焗爐180度焗八分鐘~

之後再落少少香草~

再反轉焗多八分鐘~

可以食得啦~

羊架雖然都算平平地，不過啲肉地都OK，又唔覺得有嗰一陣羊"穌"味，所以依款急凍羊架都食得過。

味道方面都唔錯，香草味再加上黑胡椒及蒜茸同個羊架都好配，所以都合格啦！

今次由於係急急手咁準備，所以一時忘記買材料整個汁，如果加埋個汁嚟點羊架一齊食，我想應該會更加好食，等我下次再整過，到時有望可以有一百分啦！