MegaBox x Sweetwalk 彈彈嘉年華

29 MARCH 2015(SUN)

小小豬今日真係何其興奮，因為得到MegaBox x Sweetwalk 嘅邀請，我地可以去參加彈彈嘉年華，喪玩喪跳三個幾鐘呀~

其實前一日我地都嚟MegaBox參加活動時，小小豬一見到場內嘅大型充氣遊戲時，都已經好想去玩。當時就同佢講話星期日先再嚟玩，所以今日一早起身佢就已經話要出門口，去玩啦！

由於我地選擇第一節遊戲時間(12:00-3:00)，所以人流就唔算多。一入到場我地就當然去換手帶開始喪玩三個鐘啦~

一條手帶就可以係場內玩一節(三小時)，任玩4個充氣遊戲及繪畫工作坊。另外，亦可以購買代幣玩場內都有好多唔同種類攤位遊戲~

活動有咩玩？其實都好多呀~

當然...依個貪玩小小豬第一時間就衝去最大嘅糖果山玩啦！佢有幾心急，睇佢未入場先脫鞋仔就知啦~

依個可以糖果山都有成16吋高，小小豬一啲仲唔驚，邊跳邊爬又"SIR"，玩得不知幾興奮呀~

哈哈哈...小小豬愛玩程度真係爆登，來來回回排隊又玩，我印象中佢全日好似玩左差唔多八次，真係有啲驚嚇呀！

繼續玩另一個遊戲，就係旁邊嘅為食巨人。小朋友係巨人入面不停跳跳跳呀~

玩完依兩個遊戲之後，小小豬就俾依個尋蛋活動吸引左，所以就去玩啦~

小小豬好專心地係個波波池入面搵復活蛋~

睇下有蛋蛋入面有幾多分先，因係蛋蛋入面係有唔同分數呀~

原來小小豬有拎左七分，只差一分就有中獎。不過唔緊要，依個懷舊奶咀糖都唔錯呀~

玩左一輪激烈活動，我地就去參加繪畫工作坊，等小小豬做返啲靜態活動定一定先~

係小小豬塗顏色時，我就睇下有啲咩攤位遊戲啦~

其實種類都好多，不過獲得小小豬鐘愛嘅就係沙樽，所以又嚟玩啦~

第一次玩沙樽，開頭都好擔心會玩到一窩粥咁嚇親姐姐，但估唔到依個小小豬又幾專心。每一種顏色都小心奕奕咁放入樽仔內，冇倒瀉啲沙，真係要俾個叻叻佢呀~

完成啦~

之後我地就轉戰G/F，玩埋另外兩個充氣遊戲。依兩個充氣遊戲比五樓那款明顯就係細型啲啲，合適年紀細少少嘅小朋友。

不過依個大膽小小豬都已經係經過長期訓練，所以佢都係完全唔驚依兩個遊戲，輕輕鬆鬆咁就去玩啦！

迷你城堡~

勝者為王~

最後我地再去做多一次繪畫工作坊，等小小豬定返個人先可以離開~

哈哈哈...小小豬仲俾大會攝影師影左幾張相添~

開開心心喪玩喪跳三個幾鐘，依隻豬仔都真係一啲都唔攰，仲勁想繼續入去跳跳跳，真係精力無限呀！

More Information :
MegaBox
Website：http://www.megabox.com.hk/
Facebook：https://www.facebook.com/megaboxhk

Sweetwalk
Website：http://www.sweetwalk.asia
Facebook：https://www.facebook.com/sweetwalk.asia