4 APRIL 2015(SAT)
SINOMAX我諗應該唔會有人唔識,我地三口子嘅枕頭都係用依個品牌呀!
不過原來SINOMAX舉行嘅「SINOMAX 慈善枕頭大戰 」已經係踏入第 4 年,今年有幸可以得到公關姐姐邀請,可以約埋糖糖一齊出席活動,齊齊以愛減壓~
今年SINOMAX將活動安排係香港會議展覽中心舉行,等我地可以更加舒暢地參予依個慈善枕頭大戰。嚟到會場,換個大會提供嘅戰衣就周圍八卦一番。
現場有註冊脊骨醫即場檢查脊骨健康,不過因為人太多,我冇去做小檢查呀~
仲可以試試SINOMAX最新推出嘅床褥~
此外,現場仲有一系列產品,好多都做特賣呀~
當然唔少得拍照位等我地可以影相玩下啦~
係一場歌舞表演之後,活動就正式開始啦~
森美擔任大會司儀~
SINOMAX 將秉承一貫活動宗旨外,更希望實踐關愛社會的精神,以「用愛支持所愛」為主題,並以身作則帶頭行善,代每位參加朋友代捐 $50,及將所收取之參加費用全數撥捐 MAKE-A-WISH® 「願望成真基金」,幫助患病兒童達成願望。希望大眾減壓的同時將更多的愛及正能量發放開去, 傳遍香港每個角落~
之後就到高海寧及陳智燊出場,同森美一齊大談平日减壓方法。嘩....咁近距離見到JASON,佢真係好靚仔呀(當然係我心目中最靚仔嘅係小小豬啦....哈哈哈)~
席間仲同我地介紹SINOMAX最新推出嘅APP,除左可以有最新SINOMAX嘅優惠資料之外,仲可以紀錄我地平日步行數量及一啲健康資訊~
大會仲送左最新推出嘅POWER NAP俾兩位嘉賓呀~
係依個開球禮之後,我地就正式開始枕頭大戰啦~
大會將全場分為四大戰區,全場參賽者需在各大戰區內完成 200下 Pillow Shake,之後爬過障礙隧道進入皇者區,最快的 32 位便能進入「枕頭終極大戰」。當然一向少運動嘅我係唔可以順利入圍,所以睇住啲朋友仔努力咁跳..跳..跳啦~
接住大會更安排了「壓力巨怪」出場,大家都圍著「壓力巨怪」全情投入地以枕頭攻擊呀~
之後就到大型集體遊戲,要避開另一隊的枕頭攻擊,安全運送派發嘅四個汽球逃離戰區~
首先就係我地組做防守,不過行幾步,我嘅汽球已經全部被擊破了~
之後到我地做進攻(哈哈...睇下糖糖幾落力)~
最後就到枕頭終極大戰,32位進入皇者區嘅朋友仔係吹氣城堡上作一次枕頭大戰,最後能安全保護身上汽球最多的三組勝出,就可以羸取豐富獎品~
最後就舉行一片大混戰,大家齊齊以枕頭對打。不過我依啲年紀大嘅朋友都係旁邊觀戰就好了~
不過其實依個時候台邊嘅朋友比戰場嘅朋友多,因為大家都去左搵森美自拍呀~
哈哈哈...我其實都好想去搵森美自拍,不過唔夠啲朋友仔利害,所以影唔到。唔緊要,因為可以同「壓力巨怪」集郵都係一樣啦~
今日整個活動真係好好玩,雖然我打嘅程度都唔算多,不過出左一身汗,人都精神啲。咁好玩嘅活動下年一定要再參加,繼續齊齊以愛減壓呀!
More information :
Website: http://www.sinomax.com/hk/tc/
Facebook:https://www.facebook.com/SinomaxLife?fref=ts
沒有留言:
發佈留言