真滋味

1 AUGUST 2012(WED) 

我成日都講小小豬係一名為食仔(唔係...係超級為食仔先真)，個口真係可以唔停咀，不過佢又唔係食啲唔健康食物，多數都係麵包..生果..嗰啲食物，所以我都隨佢，食得是福嘛！

不過一講起食，尤其係食佢鐘意啲食物，依個傻豬仔就會不期然咁做好多古靈精怪表情。

就好似今晚我地食橙時，個傻豬唔知仲乜個情緒特別高漲，做左好多古古怪怪表情，真係引到我地個個都哈哈大笑呀！

未開始食時見到碟橙都已經笑晒啦~

先嚟好平靜咁拎起粒橙先~

開始攪笑啦~

招拓積積咁哦~

個食樣真係......雖然係食得污衊啲啲，不過真係好可愛呀~

勁鐘意依兩張，真係容許我大叫一聲：仔仔....真係愛C你呀~

睇小小豬個可愛食相之餘，唔知大家有冇留意都個夾仔呢？今次唔係我刻意要同佢夾嚟扮女仔呀，其實係小小豬平日見我成日都用個夾嚟夾住啲頭髮，所以就有樣學樣自己拎嚟夾呀！