感動禮物

7 AUGUST 2012(TUE)

 
今日又幫小小豬收到一份生日禮物啦！(其實應該係尋日收到至啱，因為尋日去街街，所以今日先拎返旺屋企俾小小豬)

依一份係我一位同事送俾小小豬嘅，佢真係好有心思，睇吓張花紙，都貼小小豬至愛MICKEY係度呀~

係一部學習電腦嚟呀~

睇吓個心急嘅豬仔，盒都未拆就即刻要拎嚟玩，仲玩得好開心添~

除左買禮物之外，我同事仲訂左個蛋糕送俾小小豬呀~

真係唔好意思，不過最令我感動係，佢好利害安排左係17/8拎蛋糕，嗰日係小小豬嘅農曆生日嚟呀！原本我都打算當日買個小蛋糕同小小豬慶祝，依家唔洗買啦！

我依位同事咁細心，其實我地親人都未必會知道小小豬邊日係農曆生日(當然...我一定知道啦...哈哈)，何況朋友呢？就係依一份心意都令我非常感動呀！