可愛小燈籠

29 SEPTEMBER 2009 (TUE)

繼上年嘅迷你楊桃同兔仔燈籠之後，今年又有新攪作，就係依條可愛嘅魚仔燈籠啦~

其實上年嘅玩完楊桃同兔仔燈籠之後，我都有收埋好佢，打算留番今年再玩(扮晒慳家咁...哈哈)。

不過前幾日拎番啲燈籠出嚟之後，發現兔仔都已經變左做污穢兔，唔再係白雪雪，所以就做左個好衰嘅決定，買過個新燈籠過中秋。

今日行街經過睇到，真係好得意，所以就帶左依個魚仔燈籠返屋企，留番中秋當晚出去賞燈時玩。

不過，依幾日落雨都落得好勁咁，希望中秋夜唔好再落雨，等魚仔可以出街游吓啦！