苦期到

13 SEPTEMBER 2009 (SUN)

由於之前眼睛發炎去睇西醫食消炎藥，為免中西藥混埋一齊食，所以等地今日食晒啲消炎藥先正式開始食中藥。

由於今次都可以話係第一次自己煲藥兼用電子煲，所以都真係有少少擔心唔識整。好在睇吓個說明書都好似好易咁，所以就開始動工啦！

雖然個電子煲話係自動唔洗睇火，不過係成個煲藥過程，大肥豬都定時候咁走入廚房幫我睇吓啲藥煲成點，全程唔洗我理添。

苦藥終於出爐。唉...對我嚟煲好藥就係我痛苦嘅開始，我最怕就係飲苦藥啦~

最後經大肥豬軟硬兼施，又話帶我去街影靚相咁，我先肯大啖飲晒啲藥。講真.....真係好苦，嚟緊仲要飲多四日，點算好呀！

雖然飲藥係一件苦事，不過睇住大肥豬行嚟行去幫我睇火，又氹我飲藥時，我真係覺得自己有幸福。