又嚟嘆吓茶

20 SEPTEMBER 2009 (SUN)

幾個星期日都出去影相，所以今日都係打算留係屋企休息休息一吓。起身冇耐，大肥豬就提意去嘆茶。

原來今次我地係打算去美心酒樓飲，但去到都已經勁多人排隊，等枱都要等成廿幾張。終於都放棄左，去番平日去開的酒樓食。

唉....仲以為唔洗排隊，點知都係要等幾張枱，可能都係星期日關係啦~

今次我地叫左好多嘢食，食到我地兩個都飽飽咁走人~

不過經過今次，我都真係唔敢再係星期日去飲茶，又要等位、啲職員又服務差，都影響咁啲心情呀！