九龍公園

5 SEPTEMBER 2009 (SAT)

一早計劃好今日去個好地方影相，點知.....原來大肥豬今日下午要返公司幫手攪個活動，所以邊度到冇得去啦！

一個人在家的日子最好就係執嘢，哈哈...我都好勤力，洗好左個廁所、廚房仲執好晒啲地方添。(真係自己都覺得自己好乖)

忙碌左一個下午，又剛剛好大肥豬就放工，所以我地相約去尖沙咀行街食晚飯。

匯合後，大肥豬就話今日同我去唔到好地方影相，不如就近近地去九龍公園行吓影吓先啦。

雖然九龍公園之前都去影過一次，不過難得大肥豬提意，當然唔放過咁好機會去影..影...影~

原本都以為中午過後去影相唔會咁晒，不過個太陽實在太熱。終於我地都係去左個文化館入面影相，貪佢有冷氣舒服啲。

文化館嘅環境都幾好，真係一個影相好地方嚟呀~