大埔遊

1 OCTOBER 2009 (THU)

上星期因為返工戴口罩關係，攪到塊面勁多粒粒，冇晒心機去影相。今日放假哦.....當然又係時候去影相啦！

尋日成日都不停落雨，所以都好驚今日天氣都係唔好，唔可以成行。好在今日天氣真係幾好，冇落雨之餘又唔太晒，真係好適合影相呀。

今日我地個本主打係去鐵路博物館影靚相，可能係假期關係，真係勁多人，仲要好多都係一家大細去玩，好多可以影靚相嘅位都好多人，所以我地都係留左一陣就走~

見有時間尚早，大肥豬就提議去埋大埔海濱公園。原來兩個地方都係好近，搭的士去都唔洗跳錶。

唉.......又係好多人，所以都只係行吓影吓咁，影相唔多~

不過，我地見到有條好靚嘅花藤，於是就不停狂影，仲SET腳架影左好多合照添~

哈哈...勁鐘意依張，我想影依啲FEEL好耐啦，終於都俾我恨到啦，自己睇都覺得勁SWEET~