【歐陸色彩】THE CHOP HOUSE

18 MAY 2016(WED)

出左尖沙咀行街街，當然要食埋晚餐先返屋企交人，所以好友就帶左我去美麗華新餐廳一齊去開餐啦~

The Chop House嘅環境幾好，當中帶有少少歐陸色彩，整體感覺都好舒適~

 

除左室內之外，仲可以選擇到室外進餐，歐陸感十足嘅花園，真係好寫意自在。不過怕熱的我都係室內，歎住冷氣嚟食晚餐好啲~ 

 

先嚟一杯菠蘿椰子特飲，好香嘅菠蘿味，啱我口味呀~

 

先嚟招牌沙律配牛柳 - 由於我唔食牛，所以我就冇份食，不過好友都話唔錯，個肉質好滑，而且牛味都好濃厚呀~

 

炸火腿芝士卷 - 外層很脆但內裡又軟軟，而且有好香嘅芝士味，我仲食左好多條，真心喜愛呀~

 

墨西哥式雞肉餡餅 - 餡餅皮夠薄而且軟硬度適中，一啖咬入口時，餡餅與餡料能夠同時吃到，豐富嘅口感真係唔錯呀~

 

炭燒海鮮拼盤 - 有青口、三文魚、魷魚、大蝦、燒焗蒜頭，其實幾樣食物都一樣好食，不過最吸引我嘅都一定係三文魚，外熟內生既香口又嫩滑，就算唔點任何汁都一樣好味呀~

 

美國黑毛豬扒 - 豬扒肉質爽身，個醬汁都比較特別，微辣中又帶點甜香，即刻令豬扒變得更入味呀~

 

蒜香大蝦伴紅花飯 - 彈牙嘅蝦肉再配上點點蒜香味，都已經好惹味，再加上濃濃紅花味道，這煮法又真係幾特別哦~

 

軟心朱古力蛋糕 - 一向我都鐘意朱古力蛋糕，依個但超濃厚朱古力味但又唔會太甜，配上雪糕食仲更正，大愛呀~ 

 

炸蘋果卷 - 單看賣相都已經覺得好有心思，蘋果加肉桂味道完全配合呀~ 

 

今晚又開開心心食左個豐富大餐，睇嚟我嘅減肥大計又要遲一步先可以進行了！

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！