【抵食意大利菜】AGE Cuisine Express

22 MAY 2016(SUN)

老公約左朋友去食晚飯，有好嘢食我同小小豬緊係跟埋一齊去，所以就齊齊出發去太古城嘅AGE Cuisine Express食個豐富晚餐啦~

其實初時我一聽到去太古城食晚餐，我都以為係去太古城中心一帶，原來我地係去工廈餐廳，入內佈置一啲都唔工廈，仲好有情調添~ 

 
食意大利菜，湯就係好緊要一環，所以我地分別點左黑松露野菌忌廉湯同埋法式龍蝦湯。 

老公嘅黑松露野菌忌廉湯好足料，入口會咬見到啲野菌碎，而且仰有啲黑松露，令整個湯更加香濃~

 

我嘅法式龍蝦湯，一入口就飲到勁濃郁龍蝦味，而且唔會太咸，真係幾好飲呀~

 

芝士焗露筍，露筍非常鮮嫩，芝士溶化左之後滲透入去，口感更嫩滑~ 

 

吞拿魚尼哥斯PIZZA，完全冇諗過佢係咁足料，而且Pizza皮極薄，咬落口脆卜卜，絕對係推介之選呀~ 

 

吞拿魚尼哥斯PIZZA，完全冇諗過佢係咁足料，而且Pizza皮極薄，咬落口脆卜卜，絕對係推介之選呀~ 

 

我同小小豬嘅煙肉白菌意大利粉，一向我都幾怕食勁醬汁嘅意大利粉，因為好怕嗰一種"張"喉感覺，不過依一碟又真係完全冇依個問題，小小豬都食好多呀~ 

 

最後一樣就係全晚驚喜，除左份量大之外，真係完全冇諗過羊後膝係可以咁嫩滑，而且仲一啲羶味都冇，係是日另一推介呀~ 

 
估唔到係工廈餐廳都可以食到水準高食物，而且仲要係份量勁充足，所以下次約朋友晚餐又多一個選擇了！

**我地的FACEBOOK PAGE，齊齊來交流親子。育兒。烹飪啦**