【開心玩樂單車遊】將軍澳南海濱長廊

7 MAY 2016(SAT)

一講起『踩單車』我想大部分人(當然係包括我)第一時間會想起沙田一帶，不過愛豬號DADDY話唔洗去咁遠，近近地去將軍澳都一樣可以，仲大讚環境清靜舒服，所以就帶小小豬去踩單車一轉啦~

其實依度就係將軍澳南海濱長廊，當中設有行人路及單車徑，所以都有好多人前來跑步及踩單車。海濱長廊全程由調景嶺至日出康城，來回大約10K左右，如果邊跑邊行一個鐘就可以完成。 

不過由於方便我地泊車，所以我地冇係調景嶺開始，泊好車之後就由寶盈花園旁嘅入口出發啦~

有得踩單車，小小豬就已經唔理我地，一支箭咁向前踩。好在...佢間中都會停係度等埋我地，都算佢乖啦~

 

單車徑的路面都幾寬闊，所以踩上嚟周圍都可以好多空間，唔會有車迫車情況，所以我個人都覺得幾啱小朋友嚟踩單車~ 

 

迥轉位都亦都好寬闊，而且地上標示都好清楚，所以都一定唔會逆線而行啦~  

  

踩左一段直路之後，就踩上一段小斜路~ 

 就到會到達跨海行人橋的單車路段啦~ 

又再有一個迥轉位~  

成功轉左個靚轉嘅小小豬笑得幾得戚~ 

 

繼續沿住大直路開心地踩~ 

 

沿路有不少綠草的山坡及矮樹，雙眼全是綠油油景緻，多了一份郊外氣息~ 

 

不過亦都因為矮樹未長得太高，所以都感覺比較曬，小小豬要變身成為背心豬肉仔啦~ 

 

踩到攰(其實係我地兩個大人行到攰多啲)，就坐係旁邊休息一下~ 

 

休息過後佢兩父子又繼續出發~ 

 

我呢....都係留係度欣賞下周圍風景，望下個海又吹吹海風，真係勁舒服又適意呀~  

我覺得單車徑同行人路以強烈對比顏色嚟分隔都唔錯，黃色係行人路而綠色就係單車徑，咁就可以減少「人車爭路」問題，大家都會安全好多嘛~ 

 
不過其實我見同場嘅人仕大家都好禮讓，好多專業單車人仕見到啲小朋友係前面，都會減速慢慢踩過小朋友身邊。大家互相禮讓，就能更加享受玩樂中的樂趣，依個先係大家想見到嘅情景嘛！ 

終於小小豬踩到日出康城那個入口，依隻傻豬仔見到啲人泊單車係度，佢又話要拍埋一陣，坐係路旁休息一陣哦~ 

 

去程就開開心心咁踩，不過回程就....已經攰到冇晒表情，仲要係DADDY半推之下返回我地嘅出發點呀~ 

 
其實小小豬今日都算叻仔，係熱熱地又曬曬地情況下，都可以踩咁耐單車，對仲有三個月就六歲的小朋友嚟講都應該合格。

夏天嚟到又係戶外活動好時候，為左小小豬玩得開心，最多我搽多少少防曬CREAM，所以有時間都一定要同佢去玩，相信依個海濱長廊單車徑都會係我家其中一個常嚟地方呀！

溫馨提示：如果你唔係住將軍澳，又或者唔方便帶自己單車嚟踩，我上網見有朋 友仔介紹係海濱公園附近嘅都可以有租車服務。將軍澳站嘅富康花園及富康花園都好似各一有間(我唔見有正確地址，只見文章話隨便問附近居民都可以幫到手)， 有興趣前往踩一轉嘅朋友可以先上網搵定資料先啦！

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦