【大滿足放題】尚鮮日式燒肉漁市場

19 MAY 2016(THU)

我成日都好想去食放題，我家老細都總係話...唔抵食..回唔到本，不過乖仔一話想去做廚師，廿四孝爸爸就即刻心軟，叫我搵間餐廳可以有自己燒嘅。既然老細叫到我當然係即刻做嘢，最後我就搵到依間既有得燒烤又可以有放題嘅尚鮮啦~

其實我都係前兩日見有朋友仔去過，見佢都話啲食物唔錯，所以先識得嚟食間。韓燒我地就食得多，不過日燒就係第一次，但我個人覺得都唔分別咁多，最緊要就係食物好食新鮮就得啦~ 

餐廳採用平板電腦電子餐牌，仲會配合埋食物圖片，咁簡單就連小小豬都可以自己落ORDER啦~

 

佢地食物種類都算多，有唔同種類嘅燒烤肉選擇之外，仲有刺身、壽司、小食、炸物...都好多元化呀~ 

 

待應姐姐見到小小豬在場，佢仲專登安排我地坐一張大卡位，咁就可以坐得舒舒服服去享受今日嘅晚餐~ 

 

依個為食小小豬一聽到待應姐姐話可以任飲汽水果汁及甜品，佢就已經急不及待要去拎啦(難得一次就破例俾佢飲半罐橙汁啦)~

 

先送上一客刺身船，包括三文魚、甜蝦、帶子、八爪魚、北寄貝同埋希靈魚，每樣都算新鮮~

 

除左刺身船之外，店員亦為我地送上一系列烤肉拼盤，都一樣好新鮮呀~ 

 

當然我地都有ORDER其作食物，每一款都真係唔錯，就算老細隨意燒都已經好好食，大部分都唔洗要點醬汁都會好夠味，我想應該你醃得入味之功呀~ 

 

我地加錢點了燒蠔及尚鮮珍寶虎蝦，兩款都極度鮮甜，尤其係個虎蝦，真係勁爽口呀~ 

 

有得自己燒真係開心~ 

 

小小豬直頭當左自己係小廚師，要煮肉俾我地食哦~ 

 

見到刺身我當然唔會放過，不停ORDER再ORDER~ 

 

勁推介依個炸芝士波波，就連唔"好"芝士嘅老細都話正呀~ 

 

最後每人一個Movenpick雪糕，真係何其滿足呢~ 

 

我指小小豬...睇佢食得幾開心~ 

 

我地仲可以利用電子餐牌CHECK下ORDER過咩食物，值得一讚係佢又真係完全冇漏單，感覺真係幾好~ 

 

今餐小小豬話有100分(緊係啦..又汽水又雪糕又可以扮廚師)，佢當然開心啦。不過就連我家老細都大讚，咁就即係真係唔錯啦。佢地兩父子仲已經計劃緊下次係幾時再嚟添！  

**我地的FACEBOOK PAGE，齊齊來交流親子。育兒。烹飪啦**