【港漫人物陪你影】香港動漫海濱樂園

4 MAY 2016(WED)

由於今早小小豬要去覆診，所以老公請假車我地去。當然送左小小豬返學之後我都唔會浪費去玩時間，所以同老公去一轉金紫荊廣場，因為要同啲動漫人物影返轉呀~

係四月尾先開幕嘅香港動漫海濱樂園，係香港動漫畫聯會及香港特別行政區政府「創意香港」聯合舉辦活，目的都係推廣本土創意產業。而依個位置係會長期擺放，即係隨時嚟影都得啦！ 

樂園內設有30個不同年代本地原創動漫角色雕塑，有部分漫畫角色還有全新造型，同時亦加入了香港本土特色，好似有我比較熟識嘅留馬仔、老夫子、步驚雲、許樂、聾貓....等。當然亦有啲係我唔識嘅，不過唔緊要，有得影相我就咩都啱~

 

想搵晒佢地齊齊影都真係唔難，因為可以依照地圖一個個影呀~ 

 

第一個目標就當然係同我喜歡嘅馬仔影啦~ 

 

之後就係場內不停影影影，齊齊打麻將、擦鞋、跳飛機又拗手瓜，又幾好玩哦~ 

影相又點止係大廣場，因為沿路仲有幾個漫畫朋友等緊你，當然有我那些年嘅許樂呀~

 

走到海傍走廊，原來都仲有幾位朋友仔陪仔捉棋、扮CHOK~

 
其實...仲有一個13點動漫人物，不過有好幾位內地朋友霸住左，真係有點..........。但係得金紫荊廣場都預左會有依情況發生，所以都真係冇得避，只望主辨機構可以加強維修保養及清潔，咁就可以KEEP住可以有一個好地方俾大人/小朋友，同埋遊客嚟影相玩樂一返啦！

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！