今日帶左小小豬返學之後,又係我輕鬆時刻,因為約左好友拎手信,之後就齊齊去茶木歎返個TEA~
茶木其實我都去過好幾次,不過大多數都係去尖沙咀或者銅鑼灣嗰間,今次我地就近近地入去左杏花新城依間,估唔到個環境又幾舒服,靜靜地最啱傾計呀~
先嚟一杯下午茶附送嘅柚子蜜,好香柚子味得嚟又唔太甜~
黑蒜油雞翼手作麵~
雞翼醃得好入味,手作麵都好彈牙,如果麵嘅份量可以再多少少,咁就非常好了(我知...依個係下午茶,份量少啲都合情理...哈哈哈)~
原來依家只要上載一張「奶蓋一下」相片到FB,之後再tag三位朋友,再加一個hashtage,就可以免費有得飲一杯奶蓋飲品~
哈哈哈...師奶仔的我當然唔放過機會,當然都玩埋一份,我依杯《宇治抹茶奶蓋》個抹茶味好重得嚟又冇蓋過奶香味,都唔錯呀~
就係上載一張咁嘅相就可以免費啦~
依間茶木都幾舒服,所以下次再約朋友食飯可以考慮依間,唔洗出去同人迫迫咁等位嘛!
**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦!
大家一齊嚟交流下煮飯仔及去玩嘅親子樂啦!
沒有留言:
發佈留言