喜出望外嘅麻布茶房

11 MARCH 2016(FRI)

今日小小豬提意去接DADDY放工，我當然係舉腳贊成，因為又可以借機唔洗煮飯嘛！任務完成之後，就去左麻布茶房食晚飯啦~

其實之前我地都嚟過好幾次，都覺得不太差，不過今次一食又真係幾喜出望外呀~ 

 

今次食發現有個新菜單，一個主菜再加一款甜品，個價錢都好似幾抵哦~

 

吉列豬扒定食，好明顯依個係俾小小豬同DADDY嘅~

 

基本上依個都食過好幾次，都唔會有啲咩問題，老公話都幾好食，個豬扒都好淋身~

 

我地仲叫左一份小食，日式煎餃子~

 
四隻都俾小小豬食晒，所以我地都冇得食，不過小小豬一個人食晒，味道都應該唔錯啦！　

我嘅辛味泡菜豚肉拉麵~

 

依個可以話係完全驚喜，佢嗰一份辛味帶有少少辣，辣得嚟一啲都唔“確”喉，而且食落仲幾激刺添~

 

嚟到小小豬等左成晚嘅甜品，白玉霜淇淋甜點~ 

 

好香嘅紅豆再加埋個白玉粒粒，同埋個軟雪糕，只係睇小小豬個樣就知有幾好味啦~ 

 

今晚依餐都真係有啲驚喜，同時亦都應該好快會再嚟，因為老公試左一啖之後都話正，仲話下次要到佢食依個麵呀！

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！