又嚟夢幻噴煙雪糕

6 MARCH 2016(SUN)

之前我去食過一SET平靚正嘅櫻花甜品之後(按此重溫)，最重要係幾好視覺效果，所以成日想帶埋小小豬嚟試。終於今日我地去完街街之後，路過可以買嚟俾小小豬試下啦~


一入到去小小豬就好心急問邊度有噴煙雪糕，之後又嚟十萬個為什麼，不停問點解會噴煙....啲煙係點....會唔會好熱....真係問到我都唔識答，所以最好就係即刻ORDER一杯俾佢親身感受啦！

今期有兩味道，最後小小豬就揀左白桃味~

 

哥哥準備好晒之後，就準備噴煙啦。初初小小豬一見啲煙噴出嚟，都真係驚到叫左一聲呀~ 

 

哥哥準備好晒之後，就準備噴煙啦。初初小小豬一見啲煙噴出嚟，都真係驚到叫左一聲呀~ 

 

掛住影小小豬，都唔記得影低雪糕個夢幻樣添~

 

掛住影小小豬，都唔記得影低雪糕個夢幻樣添~

 
不過依個白挑味又真係唔錯，雪糕滑滑得嚟又帶有香濃嘅白桃味，最緊要係佢份量都唔少，所以都幾抵食....唔錯呀！

小小豬一個人都差唔多食晒一整杯，所以我只係叫埋另一個蜜橘味啦~

 
其實我都唔知咩係蜜橘，所以都唔知係正確味道係點。入口就有少少似柚子加橙嘅味，但我就覺得比較偏酸，所以唔太啱我口味呀！

不過其實一杯雪糕都只係$28，咁抵又咁靚，仲可以坐定定慢慢食，所以我覺得都非常好，下次路過都可以入嚟再食呀！

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！