動感科學園地 - 鬥智復活城

26 MARCH 2016(SAT)

科學園真係非常愛錫小小豬，每次特備活動都一定邀請小小豬嚟玩，佢地依份心意真係無言感激。今日我地三口子又齊齊入嚟參加「動感科學園地－鬥智復活城」啦~

其實工作坊嘅項目真係一次比一次多，不過由於有部分係比較適合大個啲啲嘅小朋友，所以公關姐姐就為小小豬揀左啲啱佢玩嘅工作坊啦~

 

我地第一個工作坊就係 「鹽水機械人」~ 

 

導師好有耐性地講解一啲科學原理(當然小小豬都仲係未明白啦)，不過當導師教完，小小豬就開始砌個機械人啦~ 

 

當然係一啲細步驟都要搵導師幫手啦~ 

 

最後吱啲鹽水入機械人身上~ 

 

就可以自動行得，依個車迷豬緊係最開心啦~

 

之後我地就去參加「雞蛋安全降落比賽」~ 

 

原來今日比賽第一名係有一個獎杯，早知我就做少少準備先啦...哈哈哈。如冇意外我地都係唔成功，所以偷偷地影張相扮下嘢啦~ 

 

坦白講我地真係零準備，所以當見到枱面上一眾材料時，都真係有點不知所措~ 

 

不過導師都有為我地講解少少，所以都試下玩啦~ 

 

兩父子都好努力哦~ 

 

嘩...竟然俾攝影師影到我咁慈母嘅一面..呵呵呵~ 

 

我地嘅作品終於完成啦~ 

 

由DADDY負責拋雞蛋~ 

 

一拋完小小豬就好緊要咁去睇下雞蛋~ 

 

噢...我地失敗左，隻雞蛋爛左呀~ 

 

雖然失敗左，但小小豬都冇唔開心，因為佢知道比賽係有輸嬴，仲話我地下次再努力一定成功。不過導師話我地嘅創意度同埋科學感都幾高分，所以都衰敗猶榮啦~ 

 

接住落嚟，小小豬就穿上一件實驗室衫，去參加「雞蛋博士科學教室」~ 

 

其實依個工作坊都幾好玩，導師利用唔同嘅物料做出一系列不同形態嘅雞蛋。首先就教小朋友點分別生熟雞蛋，原來只要將雞蛋轉下佢，從仍地轉嘅快慢就可以分別到啦~ 

 

之後就小朋友用醋嚟整橡皮蛋~ 

 

仲教小朋友做黃金蛋，利用依個儀器不停轉轉轉就得啦~ 

 

當然小小豬轉啲隻就要煮熟左先知係點，不過在場導師都已經準備左個成品俾小朋友睇呀~ 

 

最後一個實驗就係教小朋友用鹽浮起隻雞蛋呀~ 

 

之後我地就接住去「滴嗒復活珠」~ 

 

首先就由小小豬負責塗好顏色先~ 

 

之後串好晒啲圈同波子~ 

 

小小豬都算幾專心去做啦~ 

 

不過最後都要導師幫手先整好~ 

 

一見到啲波子滴嗒滴嗒，即係成功啦，小小豬都好興奮呀~ 

 

嚟到最後一個工作坊，就係「泡泡幻影機」~ 

 

其實係就係自己DIY一部吹泡泡機，真係啱哂小小豬呀~ 

 

原來都唔算好難，只要簡單幾個步驟就整好啦~ 

 

最後導師幫忙用熱溶膠貼好晒~ 

 

咁就完成可以玩啦，不過...由於場地所限，唔太方便係室內試玩，等我地下星期落公園時玩下啦~ 

 

科學園姐姐仲知道小小豬勁愛PEPPA，所以仲送左個獨一無二嘅PEPPA汽球俾佢，依隻豬仔一見到就攬到實啦~

 
整個活動去到28/3，如果大家係復活節假期未諗到去邊度玩，可以考慮入去玩一轉時又可以去搵靚靚櫻花！

活動當日可以係科學園購買即場遊戲飛，門票由12時起開始發售，先到先得，售完即止！


More Information :
日期：由3月25日起至28日
時間：下午1時至6時
地點：香港科學園Website：http://www.hkstp.org/en-US/News-Media-Events/Events-Seminars/2016/Vibrant-Science-Academy-Smart-Easter-City.aspx
Facebook：https://www.facebook.com/HongKongSciencePark

**我地嘅FACEBOOK FAGE，唔知大家LIKE左未呢？** 

小小豬的成長日誌
大家一齊嚟交流下煮飯仔及去玩嘅親子樂啦！