Kinseymama's LIFE: MyBB試用小隊 - Jakewell 法國原裝進口Heat Regulating Pillow

2015年5月14日星期四

MyBB試用小隊 - Jakewell 法國原裝進口Heat Regulating Pillow

6 MAY 2015(WED)

謝謝MyBB試用小隊安排，小小豬今次可以試用到來自法國原裝進口嘅Jakewell體溫調節枕，依個豬仔都不知幾鐘意呀~

來自法國嘅體溫調節海綿已經乎合歐盟安全標準，而且以100%天然防敏感處理，所以非常放心俾小小豬用呀~
體溫調節枕尺寸為50x30cm，比我地成人用的細少少，所以都適合2–10歲小朋友使用。亦都非常啱瞓覺鐘意左碌碌..左碌碌嘅小小豬呀~
體溫調節枕係使用可拆洗的枕頭套，其安全設計拉鏈，防止小朋友拉開拉鏈把枕頭套取出。其實唔止小朋友，就連我自己都研究左好耐先可以打開呀~
內層的體溫調節海綿可根據體溫作出調節，讓小朋友可以係最舒適嘅狀況下熟睡~

哈哈哈...叫個傻豬豬試下時，佢話軟棉棉，頭仔好舒服哦~

我就覺得依個體溫調節枕都幾有彈性，而且佢個厚度剛好配合小朋友嘅肩膀，可以承托到頸部與肩膊間之凹入位置，咁就唔怕佢地瞓得唔好，同影響頸骨發展啦~
雖然依個係可拆洗的枕頭套，不過都係要用枕頭袋好好保護體溫調節枕先得呀~
小小豬已經愛上左依個體溫調節枕，依家每晚指定用依個瞓覺呀~
平日小小豬瞓著左之後，就算開行冷氣，佢條頸同頭都會出一身汗先可以叫做熟睡。不過用左新枕頭依兩星期，明顯出汗情況係少左啲啲，我估都應該同換左依個體溫調節枕有關呀！