夏日麥麥顯愛心2015

12 MAY 2015(TUE)

謝謝麥當勞叔叔之家慈善基金邀請，可以出席夏日麥麥顯愛心2015慈善活動記者招待會，依個咁有意義活動我當然係非常支持啦~

原本我都好想自己親自去參與依個活動，不過因為要接送小小豬放學之後去上興趣班，時間又真係趕唔切，所以就派出特約小小小記者LuLu妹去參加依個活動~

由六月開始開始，麥當勞叔叔之家慈善基金會舉行唔同嘅慈善活動，希望等大家以不同方式加深對麥當勞叔叔之家了解，藉此希望可以籌募營運經費。

當中有三個比較大型的慈善活動，透過以「家」與「愛」為主題，希望鼓勵公眾年青一群，認識麥當勞叔叔之家的理念及運作。

首先就係由「麥麥愛心大隊長」張敬軒及胡杏兒參與嘅義工招募活動~

當中除左招募義工服務麥當勞叔叔之家外，當中亦需要大量義工協助慈善獎卷義賣活動~

做義工係不分年紀，就好似小小豬咁四歲仔都一樣可以參加，係六尾至八月中就可以去指定麥當勞餐廳或UA影院向途人售賣獎卷。我覺得依個真係一個意思活動。一方面可以為麥當勞叔叔之家籌款之外，另一方面亦都係一個好好訓練小朋友社交嘅機會(當然令小朋友明白點樣可以小朋友幫小朋友都係非常重要)。所以我地三口子都會報名做義工，等小小豬可以過一個有意義嘅暑假！

大家可以CLICK入嚟作網上登記(http://www.rmhc.org.hk/rmhc_tc/raffle-ticket-sale.html)，不過佢地六月一日就截止，所以有興趣朋友仔就要快啲啦！

其實獎劵都係$10一張，而且又用咁可愛嘅圖案，所以大家到時一定要大力支持呀~

另一個大型活動就係由Mr.、Supper Moment及Killer Soap於7月舉行嘅搖滾慈善演唱會~

另外2%亦都會推出MIFFY嘅限定版T恤，為麥當勞叔叔之家籌募經費~

活動過後，大會就安排參觀麥當勞叔叔之家，早前我參加麥當勞叔叔之家開放日時都曾經作出分享，大家可以去重溫一下呀(按此重溫)~

哈哈哈...LULU妹係參觀時，搵到Mr.同Supper Moment影相呀~

面對頑疾真係一件好痛...好痛....好痛嘅事，所以我地真係要好好珍惜我地嘅健康身體。既然我地有好嘅健康，可以的話都出少少綿力，等麥當勞叔叔之家可以幫到更多有需要家庭，等病患小朋友同埋佢地嘅家人，都感受到一份關懷。

 

More Information :
Website：http://www.rmhc.org.hk/
Facebook：https://www.facebook.com/rmhc.org.hk