入迪迪尼慶母親節兼57個月大

10 MAY 2015(SUN)

今個十號除左係小小豬踏入57個月大，仲係母親節，當然要去我地兩母子都鐘意嘅地方玩一轉....知唔係就係迪迪尼啦~

原本見天氣都唔係太隱定，所以我地都15/16唔知去唔去好。點知大肥豬竟然好鼓勵我地去，見佢一返誠意，我又勁想入迪迪尼掃平貨，所以就入去玩轉啦！

一入到樂園，小小豬就一支箭咁各前跑~

原來佢見到MICKEY & MINNIE，小小豬就好似追星咁要捕獲佢地呀。

成功啦...MICKEY仲拖住小小豬行左一段路呀~

離開時小小豬極度唔捨得呀~

做完小FANS，我地就去玩小小世界~

離開小小世界時，小小豬見到啲小鳥，佢企定定睇住啲小鳥好耐。難得咁專心，所以就俾佢望一陣，等佢學習下自學留意身邊小種物都係一件好事嚟呀~

之後就去玩轉轉杯，今次真係有奇景，小小豬主動話要入杯度影相啦~

好一個傻豬仔，隻杯都未開始轉就不停傻笑呀~

放低佢地兩父子係馳車天地之後，就係我掃貨之時。六折嘅魔力真係太大，雖然係最後一日，都仍然係勁..勁..勁多人，好迫人呀。其實我都睇中左好幾件衫仔俾小小豬，不過我實在太遲了，好多都冇晒貨，我好唔容易先買到啲啲嘢~

SHOPPING完就去匯合返佢地兩父子，之後就繼續玩。次次入園都好想同Duffy Shelliemay影相，不過次次都係夾唔到時間，睇嚟同佢地都係冇緣了！

不過今日我個豬仔老闆破天坊批准我同三隻公仔影，同每隻都玩得好開心，仲影得幾靚哦~

係臨走時小小豬去左扮指揮家呀~

由於我地要同奶奶食晚餐，所以我地玩一陣就走了，留返下次銀咭日再入嚟玩過啦！

今次六折我嘅戰利品，都係廚具為主多，買嚟俾小小豬廚房用呀~

等下次六折SHOPPING，我就一定會早啲入園掃貨，希望到時可以買到多啲心頭好了。