Kinseymama's LIFE: 試用：Bonito - Cooling-Awake Sleeping Mask

2015年5月27日星期三

15 MAY 2015(FRI)

一諗起泰國，我就會即諗到泰國菜(因為我鐘意食嘛)，但原來都有出護膚品呀！近日有一個泰國美容品牌登陸香港 - Bonito，今次有幸可以試用佢地嘅皇牌產品 - Cooling-Awake Sleeping Mask 真係要感謝Petit Bonheur online store嘅安排呀~

Bonito係泰國一班年輕嘅藥劑師創立及研發，將一啲泰國隱藏嘅珍貴和獨特配方成為品牌的核心產品，當中絕無合成色素及無化學致敏源配方~

Cooling-Awake Sleeping Mask用3道皇室提取物(包括：山竹、鮑魚膠原蛋白及燕窩)，除左可以保濕外，仲可以爽活肌膚、高效亮白、強力抑制痊癒桿菌滋生。促進膠原蛋白合成及改善肌膚彈性，令肌膚煥發青春活力~

有別於一般Sleeping Mask，一星期使用三次就可以促進肌膚係晚間既新陳代謝同有幫提升肌膚水份~

白色乳霜質地非常幼滑，而且都非常易推開呀~

隔晚係臨瞓前將Sleeping Mask厚敷一層，之後慢慢按摩一陣，等皮膚吸收啲啲就去可以瞓覺啦~

敷上臉時會有少少涼浸浸感覺，入到冷氣房間感覺就強烈啲啲，我個人都幾鐘意，因為覺得好舒服呀！

其實好多時用Sleeping Mask都會擔心整污穢個枕頭袋，但係我用依幾次過程中都冇依個問題，因為佢都算幾快吸引，瞓落床一陣就FEEL到啲CREAM好似入晒皮膚底層啦！

使用後第二朝起身，會感覺臉仔好水潤，摸上手都會覺得好滑滑添。亮白度就暫時未見係我身上有太大改善，不過始終我都係用左唔係太長時間，期待用多幾次可以睇到明顯效果啦！

不過....我始終覺得Sleeping Mask真係一個非常好嘅護膚品，因為塗左上面之後就可以去瞓覺，之後就可以靚靚，真係非常啱我依啲懶惰又要靚嘅師奶仔呀！

More Information :

2015年5月27日星期三