海賊王3D展

11 MAY 2015(MON)

早前係FACEBOOK玩抽獎遊戲，一向黑仔王的我竟然抽中左兩張香港3D奇幻世界嘅入場卷，可以去影海賊王啦~

其實抽中左最開心嗰個一定係LULU妹，因為佢好鐘意海賊王，我地前幾日仲講話想搵日去玩，估唔到就抽中左，可以兩姊妹免費去玩轉啦~

香港3D奇幻世界我之前都嚟玩過一次(按此重溫) ，今次再嚟就發現上半部分就維持不變，只係下半就改左成為海賊王展區。

入到場我地當然係即刻行海賊王展覽嗰部分啦~

LULU有幾鐘意ONE PIECE，平日唔多鐘意影相嘅佢今日都影左好多相，仲好入戲添呀！

短短一個幾鐘，我地兩姊妹不停影，影左大大話話都有百幾張相，真係唔講得少。

好啦..去相啦，我地真係影/玩得好開心呀...哈哈哈~

全場最鐘意就係依個泡泡，好可愛呀~

今日我地都已經係平日嘅下午嚟，估唔到人流都比我想像中多。而且海賊王影相位置都比較細，加上又有啲重疊，所以都有出現互相左住影情況，又或者因為要避影到其他人，唔可以係最住位置影到相呀！

不過慶幸人家都好守規矩，大家互相合作，咁就自然大家都影得快快又開心啦！