肥媽版干煎蝦碌

21 MAY 2015(THU)

早前睇肥媽節目，見佢用左個新方法整干煎蝦碌，見都唔係咁難，所以我又嚟試下整肥媽版嘅干煎蝦碌啦~

原本都打算去街市買啲大海蝦嚟整，不過始終都係第一次，為免失手時浪費，所以都平平地買盒急凍蝦嚟小試牛刀先~

首先將蔥切成細粒粒先~

蝦解凍後洗乾淨，取走蝦腸，從背部至尾輕輕地界一刀開邊~

先用油爆香蔥粒，然後加入黑胡椒及鹽，做成蔥油~

將蔥油釀入蝦內(唔好太貪心，釀少少蔥油就好啦，如果唔係一陣煎時就有少少"論盡"啦)~

最後一個步驟，就係煎熟啲蝦，個蝦殼煎到干干地咁就最好食啦~

我就係錯誤示範，由於我貪心釀多左蔥油，所以反轉煎另一面時多出嘅蔥油走晒出嚟，所以大家唔好學我呀~

食得啦~

雖然冇六號講到有幾咁好食(哈哈哈...我都覺得六號有時幾浮誇)，估唔到蝦肉同啲蔥油又真係幾夾，唔可以係好"丁"聲好味，不過就幾特別啦！

有左今次成功經驗，等我下次買啲海蝦嚟煮，啖啖肉應該就仲好味呀！

「沿途有禮」桌上遊戲巡迴展覽開展儀式

18 MAY 2015(MON)

今日有幸可以參與「沿途有禮」桌上遊戲巡迴展覽開展儀式，非常感謝樂在棋中社會企業及MTR嘅邀請呀~

其實我對「沿途有禮」嘅認識都係由香港禮品及贈品展2015開始，因為小小豬係地鐵控關係，所以我對依套桌上遊戲非常有印象。今日有機會嚟參與展覽開展儀式，咁就可以對遊戲更加了解呀~

其實依個展區唔算太大，係德福廣場第二期商務嘅對面，不過佈置上都已經好吸引，因為場內都會地播放卡通動畫同設置一啲可愛小遊戲~

其實依啲設施都係想解釋背後嘅意義，就係從小培養乘客安全有禮的行為~

坦白講，最吸引我就一定係依一套「沿途有禮」桌上遊戲啦~

巡迴展覽開展儀式開始時，首先就由港鐵負責人向我地簡單介紹~

之後就由港鐵的卡通人物「基哥」嘅真人版港鐵營運主管李聖基先生同大家講下搭港鐵時嘅安全提示，「基哥」同真人版又真係幾似哦~

簡單嘅亮燈儀式，巡迴展覽就開始啦~

「沿途有禮」其實係樂在棋中出版眾多桌上遊戲中，奪得「香港智營禮品設計大賞2015」優異獎。所以遊戲負責設計嘅李芷晴同學及許維嬋同學同我地分享設計依套遊戲嘅點滴~

佢地都希望可以透過遊戲，可令乘客多留意平常不以為然的行為，加強鐵路安全禮讓好行為嘅意識，大家都可以做個有禮乘客呀！

最後大會向嘉賓致送紀念品同影大合照~

儀式過後，一班小朋友係度玩「沿途有禮」桌上遊戲，見佢地不時哈哈大笑，令我都好想玩埋一份呀~

係5月23日至25日嘅下午十二時三十分至晚上七時三十分都會有導師到場教導在場小朋友試玩「沿途有禮」遊戲，到時如果時間就到的話，一定要帶小小豬嚟玩一轉，相信佢一定開心都傻左呀~

不過如果依三日都已經安排左節目都唔緊要，因為5月26日至31日將移師到 PopCorn展出，最後係6月1日至7日係杏花新城(東翼)展出，有興趣想了解多啲「沿途有禮」遊戲嘅朋友仔就唔好錯過啦~

依家係樂在棋中社會企業的網頁上可以優惠價 $198 (原價$368) 預訂「《沿途有禮》桌上遊戲」，只限500套，售完即止，真係要快快手入手先得啦(http://www.pob.hk/download/forms/POB_booking_form.pdf)~

初次認識「沿途有禮」我已經好有興趣，今次睇埋更詳盡介紹，真係超級想買套返屋企。既可以滿足地鐵控小小豬之外，玩棋類活動又係一個好好嘅親子活動，以生活化遊戲亦可以容易加深學習，以遊戲中愉快學習係我最愛啦！

 

More Information :

樂在棋中社會企業
Website：http://www.pob.hk/
Facebook：https://www.facebook.com/pobhk?fref=pb&hc_location=profile_browser

MTR
Website：http://www.mtr.com.hk/
Facebook：https://www.facebook.com/mtrhk?fref=ts

 

試食：CATALO兒童系列產品

16 MAY 2015(SAT)

謝謝CATALO為小小豬送上一籃兒童系列產品，等小小豬可以化身為試食小專員之餘，又可以為健康加添小補充~

係三款兒童系列產品當中，最得小小豬歡心就一定係兒童藻油 DHA奧米加 3軟糖~

兒童藻油 DHA奧米加 3軟糖係選用專利高純度 life’sDHA™ 天然微海藻植物 DHA精華及天然奇異籽油，有助兒童腦部和眼睛健康發展~

以全植物成份天然純淨，無任何人造調味及色素，不含魚類、花生、奶、蛋、大豆、麩質等，所以任何體質小朋友都可以安心食用，特別選用天然檸檬和香橙味，美味之外仲易於咀嚼添~

以小小豬四歲半嘅小朋友就每日食兩次，每次三粒。佢嘅味道同口感都真係好食，我自己都鐘意食，唔怪得小小豬咁鐘意啦~

兒童 DHA活腦補眼配方~

特選優質天然無污染深海魚，採用獨特先進科技，製造出每食用份量提供 200毫克 DHA精華，針對補充兒童腦部及眼睛發展所需的重要元素，更能改善容易敏體質，維持身體健康~

選用特製小型天然咀嚼軟膠囊，並加入天然鮮橙精華，粒粒都如香橙三文魚籽呀~

初初開始食之時，小小豬都唔太鐘意食，佢話個膠囊好難咬開，食得好辛苦咁話哦。不過經過幾次之後，佢開始習慣左咬膠囊嗰個感覺，依家每晚都要食兩粒先瞓呀~

兒童益鈣 C®全效強健配方~

選用 TruCal®純天然牛奶鈣，特別配合活性益生菌和天然針葉櫻桃果實精華，有助促進兒童免疫力，以及人體細胞、牙齦和肌肉健康，亦有助兒童吸收成長必需的鐵質和鈣質~

可直接咀嚼食用，特別加入天然藍莓味，及無添加蔗糖~

藍莓味就最啱小小豬口味啦，每日食一粒佢話太少哦(說明書係咁寫明嘛，真係俾佢激C呀~

大大話話小小豬都食左依三款CATALO兒童系列產品都差唔多一個月有多，係小小豬身上就好似沒有明顯變化(我個人覺得冇反應都係一件好事哦)。不過依家就養成左一個習慣，就係會每日分三個時段自動自覺去書櫃拎糖仔食，仲好自律咁跟住個份量嚟食，好乖乖唔會食多呀~

除左小小豬有健康食品之外，我都有份呀，就係小紅莓櫻桃果仁脆脆及燕麥藍莓果仁及四籽脆脆燕麥~

其實依兩包金金原本都係主要俾小小豬的，不過小小豬一向都唔太鐘意這些早餐脆脆，所以就等我接收啦...哈哈哈！

精選優質原片燕麥製造，含豐富的膳食纖維，有益心臟及腸道健康~

每朝早我都加入牛奶，就變成我嘅營養早餐啦~

依碗少少嘅脆脆燕麥味道都唔錯，而且仲好有飽肚感，食左之後好晏先會覺肚餓，對我一個為食但又怕肥嘅人嚟講都真係一個唔錯選擇呀！

 

More information :
Website：http://www.catalo.com/
Facebook：https://www.facebook.com/pages/CATALO-Natural-Health-Foods