Yummy Tea@Made in HK

21 NOVEMBER 2014(FRI)

之前行APM行經Made in HK好幾次，都俾佢個環境同個TEA SET吸引住，不過次次都過左個TEA TIME。

估唔到今日接完小小豬放學之後去到仲仍然係TEA TIME，所以可以食到啦~

其實依間餐廳都唔係我地第一個選擇，因為嚟得APM當然係好想去Kumamoto Cafe同熊本熊一齊食飯啦！

原以為五點幾到就可以唔洗點排隊，點知都仍然係大排長龍。一向都比較怕排隊嘅大肥豬當然提意我地改地點食嘢啦！

真係改有改嘅好，因為Made in HK個環境真係好舒服，由於餐廳職員見我地有個小朋友一齊，所以安排我地坐係餐廳外面嘅位置，坐係張大梳化食嘢，又真係幾輕鬆呀~

一場嚟到，當然就係食我想試好耐嘅TEA SET啦~

平時啲TEA SET都係蛋糕多，因為係Made in HK關係，所以就有三文治、薯條、雞翼，都幾特別呀~

依個為食小小豬一見到就即刻興奮到嘩嘩聲啦~

仲急不及待要自己拎嘢食添~

除左依個SET之外，我地仲ORDER左一個焗豬扒飯。個味道其實都唔錯，不過我地今餐個焦照就去左個TEA SET度~

食飽飽就有嘢飲啦~

因為我地叫左兩個SET，可以有三杯飲品，所以就叫左杯檸檬水俾小小豬飲。小小豬都係第一次飲酸酸地嘅檸檬水，都唔多鐘意飲，只係鐘意玩嗰幾片檸檬~

雖然我地都已經食飽飽，不過係依個咁舒服嘅環境吓，都要坐多一陣歎返一吓。

睇吓小小豬幾神氣咁係度睇雜誌~

失驚冇神咁錫錫我，真係冧爆了~

依間餐廳個環境真係唔錯，嘢食都唔差，再加上啲職員啲服務又好好，睇啲圖片見佢地啲扒類食物都幾吸引，所以我地都決定下次會再嚟依度食，到時可以試吓佢個晚餐，再嚟輕鬆一吓！