8 NOVEMBER 2014(SAT)
今晚原本要去踢足球,不過因為落住毛毛雨關係,所以都唔敢帶小小豬去上堂,怕冷病到時就麻煩啦。
不過留係屋企都有其他節目,就係同小小豬親子廚房整光波曲奇啦~
其實我一向都好少整曲奇,因為知道無論我點整,都一定冇出面街買嘅咁好食。
不過上次係我焙焗店上貨時,見到有包曲奇預伴粉,見到好似好簡單,最好就係唔洗加雞蛋,所以就買左一包嚟試吓同小小豬一齊整啦!
先預備100g牛油~
之後用熱水坐溶牛油~
準備溫水20g~
將預伴粉倒入碗內~
將水加入然後慢慢拌勻~
牛油分三次加麵份中,要慢慢拌勻呀~
完成的麵團就可以放入雪櫃雪大約半個鐘~
雪完之後,就可以將麵團碌平~
然後就可以吸圖案啦~
最後放入光波爐以220度焗20分鐘~
出爐啦,不過始終光波爐同焗爐係焗曲奇方面都始終有啲出入,加上我又眼睇得唔夠快,結果有少少燶左添~
雖然係燶左少少,不過小小豬係小小豬親手整嘅,所以都要品嚐吓啦(當然燶嗰啲就唔會俾小小豬食啦)~
其實啲曲奇個味都唔差,所以都唔算係失敗,剛剛合格咁啦,不過大肥豬已經叫左我下次都係整返蛋糕...芝士波波嗰啲就算,叫我唔好再整曲奇哦,真係俾大肥豬激C呀!
不過,我覺得同小小豬嚟親子廚房食都唔係最重要,係整嘅過程小小豬嘅投入同參與度先係最重要,所以我都唔會理大肥豬講咩,總之有好玩得意嘅嘢食,我都會繼續同小小豬親子廚房一番呀!
沒有留言:
發佈留言