小丸子的聖誕COSPLAY派對@皇室堡

21 NOVEMBER 2014(FRI)

繼之前去左銅鑼灣地帶睇小丸子的Kawaii雪祭(按此重溫)，今日趁大肥豬放假，所以我地送左小小豬返學之後，就拍拖去左一轉皇室堡，繼續同小丸子影相啦~

其實小丸子係皇室堡中庭嘅佈置都唔係算好大型，不過勝在個個人物都好得意，加上今日係平日嘅中午時段，途人都唔算多，所以一嚟到就可以大影特影啦~

除左有佈置之外，場內仲有小賣部，入面都有好多小丸子精品，有好多仲係特別版，平日係坊間好少見呀！不過因為唔太方便影啲精品，所以有興趣朋友就要親身去睇啦~

雖然只係依度留左一陣影相，不過啲公仔都真係好可愛，尤其係豹紋小丸子，真係好攪笑，所以睇完依兩個小丸子展覽之後，我真係有少少鐘意左佢添...哈哈哈！