IKEA毛公仔助學行動 - 一起用畫筆勾畫成真

2 NOVEMBER 2014(SUN)

謝謝IKEA邀請，今年小小豬又可以參加IKEA毛公仔助學行動 - 一起用畫筆勾畫成真~

小小豬都好榮幸已經第二年參加依個有意義嘅活動，上一年就化身成為小小推廣員，幫手推銷毛公仔，為IKEA助學基金籌集善款(按此重溫)。

今年以『一起用畫筆勾畫成真』為主題，一班小朋友即場發揮無限創意同想像力，參加毛公仔繪畫比賽呀！活動未開始之前，大會為小朋友們準備左豐富嘅小食~

哈哈哈...有得食小小豬就最開心啦~

活動開始時，先由IKEA負責人向我地講解一吓IKEA毛公仔助學行動活動~

之後就由救助兒童會同我地分享毛公仔助學行動項目，同埋如果照顧小朋友~

另外，亦都播放左著名繪圖師 - 芝麻羔嘅短片，教我地點設計毛公仔呀~

哈哈哈...雖然小小豬都掛住食，不過都算佢有留心聽介紹呀~

聽完介紹，到小朋友們開始設計心目中嘅毛公仔啦~

大肥豬話等小小豬自由發揮哦~

小小豬間唔中都有同大肥豬傾吓畫什麼~

經過一輪努力，小小豬嘅大作已經完成啦！坦白講....又真係唔多知小小豬畫啲乜，不過小小豬一向都唔多鐘意畫畫，所以佢今次可以自動自覺咁完成到，我都已經要俾個LIKE佢，志在參與嘛~

係未交圖畫前，一班小朋友嚟個大合照~

小小豬交佢嘅大作時，IKEA仲送左張證書同手提袋玩具糖果屋俾小小豬作為紀念~

最後我地所有BLOGGER嚟個大合照，開開心心又完全左一個活動啦~

今年「毛公仔助學行動」已經係第五年係香港舉行，於2014年11月9日至2015年1月9日期間，你每買一個毛公仔，IKEA Foundation就會捐出$10俾救助兒童會及聯合國兒童基金會。

今年仲會舉辦首屆全球毛公仔繪畫比賽，讓小朋友發創個人創意及想像力，繪畫出自已夢想中的毛公仔參加比賽。獲 IKEA 選出的10 幅優勝作品仲會製作成毛公仔，成為下年「毛公仔助學行動」嘅主角之一。

興趣的話快點登入 www.IKEA.hk/softtoy 參加， 11 月 16 日就截止呀！

 

More Information :
Website：http://www.ikeacampaign.hk/softtoy/
Facebook：https://www.facebook.com/ikeahongkong