小丸子的Kawaii雪祭@銅鑼灣地帶

15 NOVEMBER 2014(SAT)

出開銅鑼灣，知道銅鑼灣地帶有一個小丸30週年展區，所以就去行一轉八卦一吓啦~

係銅鑼灣地帶嘅小丸子大型佈置唔算多，除左大門口嗰一個之外，每層都只係有一個佈置俾遊人影相。

雖然係少左啲啲，不過小丸子都好可愛，所以我都好唔知醜咁請途人幫我同小丸子影合照呀~

其實銅鑼灣地帶主要都唔係做佈置，因為入面有一個櫻桃小丸子動畫25週年銀禧展區及歐倩怡の小丸子粉絲珍藏館，免費入場參觀呀~

 雖然地方細細，不過都有好多珍貴嘅小丸子嘅展品。就好似一入場就見到好多復刻版小丸子精品~

仲會播放小丸子卡通片段~

四周牆上都掛左好多小丸子圖片~

仲有好多珍藏嘅手稿~

另外仲有四個玻璃展覽，入面嘅小丸子精品係歐倩怡嘅珍藏嚟呀~

仲有作者櫻桃子嘅字跡添(不過...日本人真係識寫中文子，仲要寫得咁好，真係有少少懷疑...哈哈哈)~

其實除左銅鑼灣地帶之外，皇室堡地下中庭仲有大型展覽區，成班小丸子成員都會化身成聖誕COSPLAY派對，我見已經有好多朋友仔去左影相，真係好得意呀，等我搵日抽時間帶埋小小豬去影一轉先得。