Honey Creme的蜂巢雪糕

19 NOVEMBER 2014(WED)

依期韓風繼續吹，亦都係咁開左好多間專賣蜂巢雪糕專門店，今日行過見唔洗排隊，所以我又買左杯嚟食啦~

依排成日都出銅鑼灣，行左好幾次都冇留意，原來Honey Creme就係一街之隔呀~

店舖細細，不過我吸引我嘅就係依個彩色雪糕筒，砌得好高呀，唔知佢係點砌出嚟呢~

專門店主力係賣蜂巢雪糕，當然有好多蜂巢啦，店員姐姐話啲蜂巢係頂級嘅紐西蘭蜂巢嚟呀~

由ORDER到職員送上都只係幾分鐘，一杯好味嘅蜂巢雪糕就有得食啦~

看似就係一杯普通雪喱拿雪糕加一小粒蜂巢，不過啲雪糕又真係好滑滑，同埋好重嘅牛奶味，味道都唔錯。

蜂巢方面我覺得味道一般，咬落有少少韌，而且又甜左啲啲，不過如果將啲蜂巢再加上雪糕一齊食，又真係唔錯哦...哈哈哈~

唯一唔好就係啲雪糕溶得好快，食到尾都已經溶左大半，只好當奶昔飲左佢啦！

其實我見介紹除左有蜂巢雪糕之外，仲有棉花糖、爆谷、Baileys...依啲比較特別嘅味道，等我有機會都去試吓先！