活動：We嘩!黃金嘉年華@黃金海岸商場

16 SEPTEMBER 2014(TUE)

依幾日天氣都開始有少少涼涼地，令人覺得正慢慢踏入秋天啦！係依啲秋高氣爽嘅天氣，再加上十月有國慶及重陽節假期，當然係要一家大小去玩，大少朋友齊齊放電啦！

咁就啱啦...因為We嘩!黃金嘉年華又嚟啦，今次舉行地點仲係環境又正嘅黃金海岸商場舉行呀~

其實小小豬之外都曾經參加過兩次「We嘩! 充氣嘉年華」，第一次就係去九龍地廣場(請按此)，第二次就係奧海城(請按此)，依個超級爛玩嘅小小豬玩得都不知幾盡興，兩次都玩到冇晒晒能量咁返屋企呀！

其實自玩完兩次「We嘩! 充氣嘉年華」之後，小小豬都不知幾想再去玩，仲成日問我幾時可以再去玩彈彈床、抓波波。

機會終於又嚟啦，因為今次小小豬再次得到「We嘩! 充氣嘉年華」邀請，我地又可以去玩餐飽啦！

其實每一個遊戲對小小豬嚟講都可以話係大愛，好似佢上次玩左四、五轉嘅「變色龍世界」及「We 嘩！抓抓樂」今次都有得玩，我估小小豬一見到就即刻又再傻起上嚟呀！

今次新加多一個「海豚沖天梯」，是集彈床與滑梯於一身的海豚水世界，讓小朋友置身於涼快的彈跳樂園中，小朋友既可隨意彈跳，又可沿滑梯俯衝而下。

不過我嘅亮點就係「We嘩! 水上飄」，一個啱大人同小朋友一齊玩嘅遊戲，絕對係親子之選。係同一時間可以讓三組家長及3歲或以上小朋友兩人同時參與，在長40尺及闊28尺的大型充氣水池上，進入飄卷內一同享受自由自在於水上奔馳樂趣。於水上步行時強化肌肉、鍛練平衡力，學習肢體協調及與合作精神。

依家我都已經好期待，唔知小小豬會唔會又玩到唔願走呢？等我地玩完之後再同大家分享啦！

 

More information :

主題 : We嘩! 黃金嘉年華@黃金海岸商場
日期 : 10月1至5日 (星期三至日，一連五日)
地址 : 黃金海岸商場 (青山灣青山公路1號香港黃金海岸)
時間 : 上午11時30分至下午６時30分
Website： www.wewaland.com
Facebook：https://www.facebook.com/WeWaLand