Kinseymama's LIFE: 試用：b.liv - glow & glory光彩熠熠生物面膜

2014年9月16日星期二

10 SEPTEMBER 2014(WED)

繼早前試用過b.liv嘅產品之後(請按此)，今次又有機會試用b.liv 最新推出專為秋冬季而設嘅 - glow & glory 光彩熠熠生物面膜~

其實面膜依樣產品真係可以話唔會怕多，尤其係我依啲分秒必爭嘅師奶仔，平日已經冇乜時間(係冇多剩時間)出去做吓FACIAL，但又好想做靚太，所以最方便嘅就係屋企勤力啲敷面膜，一邊敷住面膜一邊打BLOG都幾好呀...哈哈哈！

好啦...講完題外話，入返正題先啦！

為了迎合準備進入秋天的季節 b.liv 全新推出秋冬季的Glow & Glory光彩熠熠生物面膜，將面部肌膚係轉天氣時所產生嘅乾燥、暗沉、膚色不均等煩惱問題一一消滅~

採用的納米級生物纖維面膜100%由木醋桿菌培育而來，能為肌膚注入數量驚人的活膚因子，極速喚醒沉睡肌膚。當中的活性成分包括南極海醣蛋白萃取液、蘋果萃取及熊果素能有效改善黑色素的形成，讓肌膚重現水水潤亮澤，達至美白亮膚，煥彩新生的感覺~

享有14天原銀奉還保證，可見佢地對產品的信心和重視顧客的感受~

打開包裝就已經見到入面有好多精華呀~

每片面膜由三層組成，精華在中間的那一層，依層就係生物纖維面膜嚟啦~

一睇到係面膜係由三層組成，開頭我都以複雜，不過其實係好簡單，首先撕開其中一邊的網狀層，然後貼在臉上，待固定面膜後就將另一面的網狀層撕走~

留係面上嘅就係中間嗰層生物纖維面膜，依款面膜與平時用開的紙面膜好唔同，雖然係好薄，不過就好有彈性，大力拉扯都唔會扯爛。我覺得最好就係面膜係超緊貼臉部，所以係敷嘅途中個頭郁郁吓都唔會令面膜走位呀~

敷15分鐘後，發覺唔會有太多多餘精華留係臉上，我估都應該係俾肌膚吸收晒啦！

原本建議是每週使用1次，不過因為前排唔舒服，係冇乜特別照顧之下，面部肌膚都差左啲啲，所以我收到面膜之後就隔晚使用，希望可以急救一吓啦！

三片用完之後，我覺得面部肌膚明顯係滋潤左，好似注滿晒水份，一啲都唔乾，我覺得重現返啲水潤亮澤。

開頭我都以為係為秋冬而設，加上面膜都係啲GEL狀的精華，一定係會有笠痴痴嘅感覺。不過用落真係一啲都唔覺得有黏稠感覺，而且仲幾舒服添！

2014年9月16日星期二