甜蜜糖果Floral Jamming

31 AUGUST 2014(SUN)

謝謝 MegaBox公關姐姐邀請，我地暑假最後一個節目就嚟啲文靜少少嘅 - Floral Jamming啦！

依個花花糖果盒子大部分嘅花都係小小豬負責插到花泥上，大家覺得整得靚唔靚呢~

Floral Jamming其實即係利用自己創意，插一盆靚靚嘅花。開頭我都有擔心過小小豬會唔會跟唔到，始終佢對依方面真係完全冇接觸過。不過，我自己就對依個活動非常有興趣，因為我自己都對插花係有少少興趣，曾幾何時都報過名學過幾堂插花班，所以今次就當小小豬陪我參加依個活動啦！

我地去到大會已經為我地準備好所以材料啦~

今日負責教我地整Floral Jamming嘅YAMA姐姐~

哈哈哈...睇吓我地兩母子幾留心聽YAMA姐姐嘅講解~

首先就將個花泥放入個糖果盒入面~

然後就聽YAMA姐姐介紹今日所用嘅每一種花~

之後就聽住YAMA姐姐嘅指引，分次序咁將啲花花插好上去~

之後我嘅工作就係負責剪短啲花，等小小豬負責插上花泥上。我開頭都估小小豬係會亂咁嚟，不過佢真係有留心聽，大部分嘅花都可以依照YAMA姐姐嘅指引插係啱嘅地方呀~

當然係識當時候，YAMA姐姐就會行過嚟再耐心咁教小小豬應該將啲花花插係邊個位置，等我地嘅花花糖果盒子可以更加靚靚啦~

幾經努力，為啲花花噴噴水，我地嘅花花糖果盒子終於完成啦~

雖然好似有少少亂，不過都叫做合格啦！小小豬仲幫佢改左個名叫小蜜蜂花花，因為有兩支葉好似蜜蜂咁哦~

點解小小豬悶悶不樂樣? 咪就係因為活動尾段俾小小豬發現左一粒可以用嚟放入花盆做佈置嘅珍寶珠，個為食的豬仔想食，所以叫佢影相就咁嘅樣....真係激C我呀！

不過，其實今日小小豬嘅表現我都覺得係非常之好，因為係整個活動大約都差唔多有成一個半鐘，加上活動又比較靜態，開始都好怕佢會悶而扭計。不過好在佢全程都好留心主動幫手，又冇大攪攪陣，只係後段見到粒珍寶珠時先開始唔多合作(因為為食囉)，所以都要讚一讚佢呀！

 

More Information :

MegaBox
Website：http://www.megabox.com.hk/
Facebook：https://www.facebook.com/megaboxhk

 花‧時間 Plant Some Time
Facebook：https://www.facebook.com/PlantSomeTime