快樂生日第一激 - 幸福宣言影靚相

26 AUGUST 2014(TUE)

話咁快又到我嘅生日啦！即係又老一年啦...唉，不過唔理咁多，年齡都唔係一個最重要嘅數字，最重要係每日過得開心就足夠啦！

話晒生日，當然做啲特別嘅事慶祝一吓啦！終於俾我依個影相控恨到，又可以去影家庭相啦~

每次去街都係我影佢地兩父子，一係就影我同小小豬，所以都真係比較少三口子合照，所以我都真係想好去影家庭照好耐啦！

機緣之下，得到DPbabe幸福宣言嘅公關哥哥邀請去影一輯家庭照(亦都要多謝Daidai嘅介紹)，真係可以話係超級興奮，我仲約左生日日去影，當係一份好好嘅生日禮物呀~

DPbabe幸福宣言的拍攝地方就位於旺角工業區內，拍攝環境都好大，仲有唔同佈景道具添~

今日嘅拍攝活動就安排左兩位攝影師哥哥為我地影靚相，佢地都係比較辛苦，因為小小豬今日鬧情緒，又有少少扭計，都真係唔多合作。不過好在兩位攝影師哥哥都非常盡責，用盡佢地方法令小小豬投入去影相，所以都叫做影到啲望鏡頭嘅相啦，不過笑就真係應該唔多啦......真係激C我啦~

拍攝過程真係轉眼就過，因為啲相係會幫我地做後期修改，所以要三星期先可以睇到啲相。不過公關哥哥好好人，佢知道我心急睇相，所以就俾左幾張我止渴先~

哈哈...依幾張都好靚，所以都真係好期待睇埋其他嗰啲相呀！不過，以小小豬嘅表現都唔抱太大希望，只望小小豬會有啲靚相俾到我啦！

等我有齊晒啲相再同大家分享啦！

 

More Information :
Website：http://www.dplus.com.hk/

Facebook：https://www.facebook.com/DPbabe