BIOTHERM - Jeffery Koo甜品工作坊 X 藍鑽新品體驗

30 AUGUST 2014(SAT)

原本相約左好朋友一齊入迪迪尼玩一轉，不過大肥豬因為臨時有事，所以節目就告消了。
開頭仲以為要留係屋企同小小豬悶悶的過一日，不過因為朋友仔GLORIA抽中左 Biotherm舉行嘅Jeffery Koo甜品工作坊 X 藍鑽新品體驗活動，所以就約埋糖糖一齊猛車邊去玩啦~

有得去玩就當然開心，不過最興奮就係可以去跟Jeffery Koo學整甜品。之前都有係電視睇過佢整嘅甜品真係超靚，估唔到有機會落手落腳整埋一份添呀~

今個活動係Biotherm舉辦，當然係唔少得佢地嘅產品啦！除左有一系列藍鑽緊緻修護力量俾我地試用之外~

當然唔少得主角全新藍鑽緊緻雙重修護精華~

同埋BLUE SMART智能皮膚分析，其實我地都好想試吓依部儀器，想了解一吓自己嘅皮革，不過因為在場嘅職員未有時候為我地做，所以冇得試，真係有啲可惜添~

活動開始前就先由主持為我地介紹一吓Jeffery Koo~

之後我地就開始整蛋糕，其實我地都唔算係整蛋糕，只係跟古師傅整啲朱古力同糖花佈置個小CUPCAKE~

古師傅先教我地整朱古力片~

睇完示範就到我地啦~

哈哈哈...睇吓我地吱得幾專心~

其實我都真係唔知自己想吱左啲咩出嚟，亂吱一通咁，不過都算合格啦~

等啲朱古力片乾嘅時候，古師傅就示範整個朱古力蛋糕啦~

由於時間關係，古師傅就成為我地先預備左有內涵嘅朱古力蛋糕啦~

到左最緊張嘅步驟(其實係我緊張，因為我嘅手作仔真係幾差呀)，就係用用糖膠猜玫瑰花啦！睇古師傅三兩吓就整到朵好靚嘅花啦~

我呢？當然係好困難之下完成左啦！其實係因為整啲玫瑰花片係唔可以大力，我頭嗰幾次都係大力咁推，所以最後又要重新嚟過。

哈哈哈...我嘅四朵玫瑰花都叫做見得吓人啦！個BEAR BEAR係我威迫糖糖俾我呀~

一切準備好晒，就可以大合體啦~

經我努力之下，我嘅靚靚CUPCAKE終於完成，驟眼睇都叫幾靚，呃得吓人啦~

整完CUPCAKE，古師傅仲為我地準備左好味蛋糕同花茶呀~

就係我地食緊好味蛋糕嘅時候，Biotherm負責人就係我地介紹全新藍鑽緊緻雙重修護精華~

佢仲教左我地一個小秘坊，就係用一BUMP藍鑽緊緻雙重修護精華加三BUMP藍鑽緊緻乳液塗面作為日常護理~

一聽到個小秘坊，我地在場所有女仕都即刻嘗試啦~

可以只係試用於手上，所以份量就覺得比較多左啲啲，不過相信用係面上，依個份量應該係剛剛好。

將兩個MIX埋之間，輕輕推開，然後以打八字方式按摩一陣，明顯係覺得手背即時滋滑左，同光滑左，而且一啲都唔覺得笠添~

開開心心又玩左一個下午，我當然有拎個靚靚CUPCAKE返屋企食啦，因為係朱古力關係，小小豬就試唔到啦！大肥豬就只係講過個內涵朱古力蛋糕好好食，不過個裝飾就..........，真係激C我啦！