雖然我唔算太LIKE HELLO KITTY，不過每一年係九展舉行嘅HELLO KITTY GAME 我都好想入去睇吓。不過因為佢地係唔俾影相，我又覺得俾百幾蚊只係入去玩，又冇相影覺得好似唔係幾值得，所以我次次都冇去。
不過當上次同CARMEN食我嘅生日飯講起依個GAME，原來今年佢地終於都可以係入面影相，入場卷仲分左一種係$88(唔知有冇記錯)，只係入內參觀影相，可以唔玩GAME。一聽到就即刻心郁郁，所以就約埋糖糖同小肥肥今日放工去入去影餐飽啦！
一入到去真係勁興奮，因為入面啲佈置真係好靚，又四通八達好似個迷宮咁，真係好好玩。不過有一樣嘢係唔明白，玉桂狗都係佢地家族成員之一，點解成個活動都唔見佢蹤影呢，真係奇怪啦！
今日真係影左好多相，但好多都係用小肥肥部大機影，所以我部細機仔都係主要影吓啲公仔，不過真係好靚，所以同大家分享少少啦~
今日我都真係玩到傻傻地咁，不過咁都好，因為亦令我擺脫左啲唔開心事。
唔知出年嘅HELLO KITTY GAME係唔係都好似今年咁可以任影相呢？如果係就好啦，出年小小豬都已經兩歲，到時可以帶埋佢入去玩啦，相信小小豬同我都一樣咁開心呀..哈哈！
沒有留言:
發佈留言