仲記得上年見到有啲好得意嘅南瓜衫仔同骷髏骨衫仔，嗰時都已經好想買俾小小豬著，不過因為當時小小豬仲細未啱身，加上又唔知小小豬今年會係乜尺碼，所以冇買到，諗住今年先去買。
我最想就係買一件南瓜衫仔俾小小豬，等佢可以著入迪迪尼應一應節，一定勁得意。
唔知係唔係早左少少，我係屋企附近啲鋪頭仔都仲未有得賣。有朋友仔都建議我去淘寶睇，不過都係搵唔到，因為件件都好似好厚咁，依個怕熱嘅小小豬一定頂唔順，
就係我打定輸數買唔到時，今日放工路過啲街邊小檔，竟然俾我見到一件南瓜衫仔，仲要係最後一件，所以真係覺得好好彩呀~
哈哈...因為未洗，所以唔敢俾小小豬著住，不過依件衫件真係好得意，相信下次同小小豬著入迪迪尼，一定勁正呀！
沒有留言:
發佈留言