逃學

25 SEPTEMBER 2011(SUN)

今日係星期日，原本應該係小小豬又返PLAYGROUP嘅日子。原本打算叫LULU妹同大肥豬兩個帶小小豬返學，不過大肥豬話PLAUGROUP都唔係咁重要，返少一堂都可以，又怕我一個人係屋企唔得，所以最後.....唯有犠牲左小小豬，做左逃學豬豬一日咁多啦！

雖然話唔係咁重要，不過都係因為我所以令小小豬冇左一個學習機會。不過冇辦法啦....邊個叫我自己唔爭氣，所以為左小小豬，我一定要更加好好咁照顧自己，因為學大肥豬：唔養好自己個身體，又點會有力氣精神照顧小小豬呢！

今日冇返PLAYGROUP，不過大肥豬都有同小小豬練習行路呀~
雖然都只係慢慢行幾步，可能比同年齡小朋友都算慢，不過每一個小朋友嘅成長歷程都唔同有快有慢，所以我都唔會同其他人比較，只要小小豬係按著正常咁生長就足夠。

睇見佢每學識一件事，我地都真係好開心呀！