JESSICA Magazine - Blogger's Picks

5 SEPTEMBER 2011(MON)

早前收到JESSICA雜誌嘅的邀請，想我參與Blogger's Pick 的編寫，佢地會安排一種產品俾我試用，之後著我編寫用後感，並會刊登於11月號的JESSICA Baby內。其實之前都曾經試過為兩個產品寫用後感，之後就POST左係BLOG度。今次有機會將我嘅文字刊登係雜誌上面，當然有興趣，所以就答應左啦！

今日收到佢地SEND嚟嘅產品，原來今次佢地安排左愛麗她產品俾我試用呀~

開頭都以為試用其中一款產品，不過原來佢地送嚟嘅物品都幾多哦，先嚟一個玩具同小手巾~

之後就一支沐浴油~

仲有潤膚膏~

最後仲有一本教照顧寶寶皮膚嘅書~

愛麗她嘅名字我都有聽過，因為當我知道小小豬有濕疹時，我都想試吓用嚟幫小小豬洗白白。不過因當時醫生建議我地用豬油膏，所以就冇買到嚟用。今次有依個機會當然想試吓啦，因為始終覺得豬油膏用嚟護膚就幾好，但用嚟洗白白就好似欠少少咁。

除左小小豬之外，我地都會試吓用嚟洗白白，等我地都感受一吓依個產品好唔好，等我用多幾星期，到時再同大家分享吓我個試用感啦！