仔仔學行記

7 JUNE 2011 (TUE)

都唔知點解依個小小豬咁鐘意企起身，成日都唔鐘意坐定定，坐係度唔夠一陣又自己扶住嘢起身。有時同佢玩玩吓，佢都要我地扶佢起身，仲要企係度個樣係勁開心咁，真係勁攪笑呀~

小小豬依家都識得扶住張床仔四周行，有時又係扶住個梳化邊咁左右行，加上佢又好鐘意扶住張椅企係度，所以小豬媽見到咁，所以就開始教小小豬學行。

今日小豬媽教左兩次左右，小小豬就已經可以自己扶住張椅慢慢行，仲由個廳行入小豬媽間房，真係覺得佢好叻叻呀~

雖然今次係張摺椅，不過小豬媽係好小心睇住，所以都OK安全，大家可以放心！(我地平日都唔俾小小豬玩摺椅，不過今次見佢行幾步都唔錯，所以俾佢繼續行啦！)

教左一兩次就識，小豬媽話睇見佢平日唔鐘意爬，只係鐘意企係身，如果小小豬都再大膽啲肯放手，咁應該好快識行。

真係好期待小小豬可以快啲識行，到時就可以唔洗抱，自己行去公園一齊玩啦！(發夢中....哈哈哈)